Kawng chhe nasa

Tunlai ruah sur nasat avangin Saiha a\anga Lawngtlai panna kawngah Leimin nasat em avangin motor pawh a kal \ha thei lova, nimin pawh khan motor eng emaw zat chu Zero khaw bulah tangin nizan dar 10:00 vel khan an chhuak thei chauh a ni.

|anpuina hlan
Lawngtlai East Pastor Bial Baptist Kohhran te chuan kumin inkhawmpui thawhlawm tling khawm zawng zawng Rs 16846 chu Sentefiang Baptist Kohhran Biak IN sak \anpuina atan an hlan a ni.
Harsatna siam
Lawngtlai khawpui chhung veng \henkhatah chuan side drain \hat tawk loh avangin ruahsur nasat lai khan kawngpui sah ngai khawpin harsatna an tawk a. Heng harsatna an tawh na chhan hi In sa thar ten side drain pawh ngaihtuah mumal lova In an sak \hin avangin tuihawk luanna tur awm lo chu kawng dung ah luangin vantlang mipui tan harsatna a siam \hin a, hmun \henkhat ah chuan tuihawk nasat avangin In luah ngam loh khawp a awm a ni.

Miriami

USA-ah Paper Present
October 14-16 chhunga Rocky Modern Language Association Annual Conference, Albuequerque, New Mexico State, USA-a neih turah Mizoram atangin Miss Miriam L.Colney, M.A. Ph.D. zirlai d/o Pu Lalramliana Colney, Lawngtlai chuan paper a present dawn. A ni hi Lawngtlai Bazar a khawsa a ni a, hetiang a chanvo tha leh ropui tak a nei hi kan lawmpui tak zet a ni. A kal zelna turah duhsakna RAUTHLA chuan a hlan e

Hei hi chu ka daily Newspaper RAUTHLA a ni e

Tun Thlaah NLUP Sem Ngei Dawn. Tih Tur Dang Tamtak A La Awm Cheu

Lawngtlai 12th Oct’ 2010 (tue) : Nimina NLUP Implementing Board inkhawm Horticulture Department Conference Hall-neiah Chairman Pu R.Selthuama chuan tun October thla chhung ngei hian NLUP sem tan thei tura inbuatsaih a nih thu a sawi a, chumi hmaa thil pawimawh la tihfel ngaite an ngaihtuah.
Heng an ngaihtuah zingah hian thingtlang khuaa NLUP ram theh dan tur te, thingtlang khaw thenkhat NLUP ram theh tur nei ve lo te, NLUP hi sawrkar laipui Rural Development Ministry-in an rawn vil (monitor) dawn avanga monitoring system mumal tak siam chungchang te, khaw thenkhat, an awmna district leh Assembly constituency inmil lo te, khaw hrang hrang tana an khaw leilung leh boruak a zira NLUP trade/activity target siam chungchangte an ngaihtuah a ni.
Sawrkar press release-in a sawi danin, heng bakah hian trade thenkhat, a hmin hun chhung rei deuh thlangtuten an lo intunnun lailawkna tur (secondary crop) an thlan theih dan tur pawh ngaihtuah a ni a. RIPANS laboratory thuam that leh tihchangtlun dan tur te, sawrkarin sum tamtak senga ram pawn atanga ranchaw a lak thin titawpa contract farming hmanga Mizoram chhunga thar theihte hmang tangkaia intodelh dan kawng dap te, ram chhunga kuhva thar chhuah, ram pawna an lei hnua man to zawka Mizorama lolet leh thin, Mizoram chhung ngeia a vawnthat leh sawngbawl (preservation and processing) hmanga tihtawp a nih theih dan tur ruahmanna fel tak neih chungchang leh thil dang pawimawh tak tak an rel.

Hello Coloum

Hello Pu Editor.....
Thingtlang lam a\ang pawhin i chanchinbu kan lo hlut \hin khawp mai, Laifate Media khawvelah rahbi thar mi rah tir hi a lawmawm hle in ka hria a, lawmthu ka rawn hrilh hmasa phawt a che.. Keini pawh kan lawm e.. Chuan maw, ka sawi duh chu Lawngtlai khawpui kawng hi han en ila, a \ha lai zawng reng a ngai tlat mai hi District Capital khawpui chhung kawng atan chuan a \awp i ti ve ngawt lo maw... Ni ngawt mai tiro, kawng \ha nei ve tur kan ni tawh reng mai a, an kawngpui siam hian fur khat pawh a daih meuh lo a ni e, Mizoram ah PWD ah hian pawisa hi a tam hle si a, hei hi tumawh nge ni ta ang le tiin kan lo ngaihtuah ve fo \hin asin..Tunah hian kawng zawng zawng hi PWD lamin an la dawn tih a ni leh nghal si a, kan kawngpui chuan a tuar hle ang a, a thawktute erawh chu an hlawk hle dawn tihna em ni ang..Chu erawh chu kan hriatpui hauh lo mai a,anni pawhin \an an la ang a, kawng \ha zawk neih i han beisei phawt ila... anih chuan kan la nghah a ngai rih dawn tihna a ni maw, lo nghak phawt ila, thawk \ha duh lo an awm chuan \halaite hian nawr chhuah dan kan ngaihtuah a ngai dawn a nih chu.....Nia, a hun lo thleng phawt sela, \halai kan harh chhuak ve zel bawk a, kawng \ha chu kan la nei ngei ang.
Ka hmuh dan ka han sawi leh lawk ang e, nipui ah han chhuak ila, kan paw phuk a, fur ah chhuak ila, a diak em em mai bawk a, ruah sur nasa sela, tuihawkin luan ngaihna reng reng a hre lova, side drain \ha kan nei bawk si lo, kawngpui \ha kan mamawh tak zet a ni, hetiang zel a kan khawpui kawng a awm anih chuan tumahin kan khawpui hi rawn kal an chak lovang tih ka hlau....sum a tam si, khawi ah nge

Lai Tawng zir ang aw/ Lai coloum

Lai \awng zirna hi kan hlawkpui ngei turah kan ngai a. Mi tam takin a zirna atan in hmang tih kan hriat hian lawmawm kan ti hle a. Lai \awng tih hmasawnna atan a pawimawh hle turah kan ngai a ni. Hemi coloum a rawtna nei thei kan awm anih chuan lawm takin kan dawngsawng thei reng bawk a ni.
Lai Mizo
A hram thokin - A bul a\angin
A donghnak - A tawpna
Fonh - Fin
Forh - Fuihpawrh
Philh - Theihnghilh
Chimh - Hrilh
Hrawh - Tichhia
Hm> - T>
Tli - Tlan
Number chhiar dan han zir leh dawn ta ila. Hetiang hian a ni e.
Pakhat - Pakhat
Pahnih - Pahnih
Pathum - Pathum
Pali - Pali
Panga - Panga
Paruk - Paruk
Pasarih - Paruk
Pariat - Pariat
Pakua - Pakua
Sawm - Pahra
Sawmpakhat - Pahleikhat
Sawmpahnih - Pahleihnih
Sawmpathum- Pahleithum
Sawmpali - Pahleinga
Sawmparuk - Pahleiruk
Sawmpasarih - Pahleisarih
Sawmpariat - Pahleiriat
Sawmpakua - Pahleikua
Sawmhnih - Pakul

Thin Hliam Hmape
- Van Hnun
Ka thintur khi hei chim u,
tur ti lo dingin,
Ka lungthin zong khi hei chim u,
ruat than ti lo dingin,
Rili cung thlichia zong khi hei chim u
hrang ti lo dingin,
Vuleipi zong khi hei chim u,
amah kel si ti lo dingin,
Vandumpi zong khi hei chim u
dum ti lo dingin,
Vanruah zong khi hei chim u
rak tla than ti lo dingin,
A liamcia caan zong khi philh in um ko seh…
Kan nunnak zong khi hei chim u,
nung ti lo dingin,
Kan tiambia zong khi hei chim u,
chim ti lomi si dingin,
*Asinain,,,, nangmah dawt ti lo ding cu
a homanh nih rak ka chim hla u…
ka nolh rih lai !
ka chim hrim hlah u…
Dawt..Duh loin kan um kho lo..
kan dawtnak ka ma kho lo…
thil pakhat thlah khawh ti lomi bantuk khi asi,
cucu..
Nang zuun cuai lunglennak lawnglawng hi
ka tuarmi si ko cang….



Zaangfak Uite
-Salai Za Mawi
Tirawl dawr ah
Duhherh hlam pawl an i zii,
Cuka'h rawlkawl in uite zong.
Siseh neng in an rak thawl…
Lunghnur a kir lam ah -
Aw! Khuazoh lo driverpa !!
Hi bang a nunnak chikkhat a dih,
Aho hramhkau zong a tong lo.
An chim zalenni cu
Nang ca thihnak si ai mu!
Maw zaangfak uite…

Pi K.Lianchhingi chanchin tawi

Pi K.Lianchhingi Sr (Rtd) hi Kum 1932 khan Darzo Kei\hum hmunah alo piang a. A pa chu Upa Thankima (Awta), a nu Pi Challianthluaii a ni a. Kum 1951 ah S.Vanlaiphai ah an pem a. Kum 1952-ah Kristian Hospital Serkawnah Nurse a training a, a training zawh hnuin midang an awm si loh avangin revision Recognition a neih theih nan Durtlang nen inzawm a ngai a, midang an awm si loh avangin revision course Dr.Pi Puii hnuaiah Kum 1958 thleng a zir leh a. An chhuah hnu in BCM Assembly rwaihin S.Vanlaiphaiah Dispensary a hawng ta a.
Kum 1959-ah K.Vanmawia nen Kohhran dan puitlingin an innei a, fanau malsawmna an dawn mipa pathum leh hmeichhia 5 an nei. Kum 1964-ah Muallianpui khawtlang harsatna avangin amahin transfer a dil a, Muallianpuiah dah a ni a. Muallianpuia an awm laiin MNF Movement \an a ni a, Kum 1967-ah pa berin rambuai avangin a \ansan a, hetih lai pawh hian a hna a chawl lova mite tana malsawmna a nih hi a hna pui ber a ni. |awngtai chungin harsatna tam tak a tawk a, Lalpan a \anpui zel a ni. A chhun a zana thawkin a hun tam ber mite tan a hmang a ni. Nurse hna a thawh chhung zawng hian Chhu\i vawikhat mah a hmang lo. Hei hian midangte mi in pe leh midangte tana malsawmna nih a tumna a ti lang chiang hle a ni.
Kum 1970 ah pa ber tang a chhuak a, hemi kum vek hian sawikhawm a ni a, S.Vanlaiphaiah natna tuarin an buai hle a ni. Kum 1972 ah Lawngtlai-ah transfer a ni a, an hahin an buai thei hle a. Pathian venhimna changin an nupa in rim taka thawkin midang tana malsawmna nih an tumna chu hlen an tum tlat a ni. Amah hi mi hrisel tak niin khum beta nat a nei ngai meuh lova, Pa ber hian a hna hi a tuipui em em reng a ni.
A pension hma hian rim tak leh hah taka thawkin Nurse hna hi a lo thawk tawh \hin a. Pi Lianchhingi hian nu nau nei mi 1200 dawn chharin, nau nei hlamtang thi mai hmabak pawh mi 30 dawn a chhanchhuak bawk a ni. Tin, chumai chu ni lo in Nau piang thei lo (Abnormal Pregnancy) pawh mi 8 lai zaichhuakin, nau erawh chu hlauhin (an thi) an nute erawh chu chhanchhuah an ni bawk a ni. Midang tana malsawmna nih tuma hnathawh \hin mi anih ang takin Savawn seh hliam 4 enkawlin Accident 6 a enkawl bak ah, mi khua a dam lo enkawlin vawi 100 lai an khua chhuhsanin a pen chhuak a ni. Tichuan, kum 1984 khan Sister ah hlankai niin, a pension thleng hian rim tak leh \ul takin hna hi a thawk reng \hin a ni.
Amah hi kuthnatawh tui mi tak a ni a, hna hrang hrang thawkin vawiin thleng hian a la buai reng a, dam lo kan ni a peih em em a, rawngbawlna pakhatah a ngai a ni.
Rawngbawlna kawngah pawh sulhnu a ngah em em mai a. Amah hi \awng\ai mi niin rawngbawlnaah hna/chanvo pawimawh tak tak a chelh bawk a. Kum 1958-1964 chhung khan G.A (Girls Auxiliary) leh |KP Bialah leh Unit ah te hruaitu te lo ni tawh in, Kum 1965-ah Muallianpuiah Kohhran rawngbawltu ah thlan a ni nghe nghe a ni. Kum 1965-1994 thleng khan Bial leh Unit ah hruaitu niin Kum 1975-2005 chhung khan Chhimtuipui aiawhin ENF Hqrs ah Executive member niin, Kum 1994 khan Lawngtlai - III ah MUP din anih khan Secretary hmasa ber lo ni tawh bawkin Kum 1998-2000 a\angin Lawngtlai-III AMFU Branch ah Secretary nihna a lo chelh tawh bawk a ni. Kohhran leh khawtlang tan \hahnem a ngai thiam em em mai a. Midang tana malsawmna nih tum tlat \hin a nihna hi midang te tan pawh mi entawn tlak niin tih hi a hriat hle mai a. Heng avang te leh a hnathawh \hat avang hian Nurse ho zinga chawimawina sangber National Florence Nightingale Awards pawh hlan a lo ni tawh bawk a ni. Hetiang ang mi kan ramin kan nei hi a vanneih thalk hle a. Nurse hna hi hna mai mai lo a nih zia leh inpekna tak tak nena thawh angaih zia tichiang em em tu a ni.
A rawngbawlna a\ang hian chawimawina chi hrang hrang a dawng nual tawh a. Kum 1990 Feb 14 (Valentines Day) Hmangaihte Ni ah khan midangte tana hmangaihna leh lainatna lan tir \hin tu Pi K.Lianchhingi hian Kristian Hospital a\angin Chawimawina hlan niin, midangte tana mahni nunna hlan a, hmangaih tlak loh te hmangaihtu chanchin ziahna Holy Bible pek a ni a. Centenary lawmna Drama buatsaihna-ah pawh midangte hmangaihna leh lainatna lantirtu chuan lehkhabu zawng zawnga \ha ber Holy Bible \ha ber chi leh certificate pawh a lo dawng leh tawh bawk a ni. Ziah lan tawh ang khan amah hi mi tlawmngai tak a ni a, he a tlawmngaihna hi a hmeihchhe pui ten hre reng in MHIP chuan tlawmngai certificate a hlan hial bawk ani. Heng bakah hian chawimawina hrang hrang a dawng tawh bawk a. Tichuan, a rawngbawlna a\anga chawimawina sangber chu Kum 2008 May ni 12 khan New Delhi ah National Florence Nightingale Awars for Nursing Personnel chu hlan a lo ni tawh bawk ani.He Awards dawng thei tura a hnathawhna hi a ropuiin a entawn tlak hle a. Kan ramah Nurse tam tak te zingah chawimawina sang dawng thei kan nei hi a lawmawm tak zet a. Hetiang ang dawng thei tur hian a hnathawhna a thawk \hin Nurse te hian \an han la zual sauh sauh se, kan rama natna tam tak hi damdawi tel lo hian kan um bo ngeiin a rinawm a ni.
Amah hian ziaka rawngbawlnaah a tui hle a, tin a ngaipawimawh bawk a, Lemchan thawhthu pawh pali (4) a lo ziak tawh bawk a ni. Tunah hian a pasal leh fate leh a tu te nen Lawngtlai - III ah an khawsa mek a, a hna a\ang hian pension tawh mahse, midang tana malsawmna nih chu a tum chhunzawm zel a ni.

LMH ah Hnutehnelai ni 12 enkawl mek a ni

LMH ah Hnutehnelai ni 12 enkawl mek a ni
Mizoram District khawpui hmun hrang hrang ah hian hnuchham enkawlna hi a awm thluah mai a. Mizoramah chuan TNT hi a lian ber a ni mai awm e. Chutiangin Lawngtlai ah pawh hnuchham enkawlna pakhat kan nei ve a, chu chu Lairam Motherless Home hi a ni.
Lairam Motherless Home hi Kum 1994 Mizoram in Centenary kan lawm kum Missionary Day Jan 11 1994 khan hawn niin, Kum 1999 March thla khan thawktu ten luah \anin, a hmasa ber atan Ni 20.July’ 2000 khan naupang nu leh pa ten an enkawl theih loh te dan luh \an a ni nghal a ni.
Home an luah a\ang a vawiin thleng a nuapang an enkawl hi mi 60 an lo enkawl tawh a. Chung zinga mi 32 te chu an chhungte’n la chhuakin an enkawl zui leh ta bawk a ni. Tin, an enkawl naupang a\ang hian mi 11in nunna an chan tawhin tunah hian mi 18 an enkawl mek in mipa 8 leh hmeichhia 10 an enkawl mek a ni.Heng an enkawl naupang te hi nu leh pa nei lo te an nih mai bakah \henkhat chu an nu ten an enkawl peih loh an awm bawk a ni. He rawngbawlna hi inpekna tak tak neih a ngai hle a. A thawktute pawhin \awngtaina nen enkawlin theihtawp an chhuah a, hmun hrang hrang a\ang te pawhin \anpuina leh tlawhtu an nei ve reng bawk a ni. Heti chung \anpuina hi an mamawh reng a, \anpuitu an hnar ngai lova, \anpui ngaite \anpui an nghial ngai lo a ni.
Naupang an enkawl te hi Nu thihsan an ni tlangpui a, nute dam reng mahse, Nuin a at san, enkawltu neilo te pawh an enkawl bawk a. Naupang an enkawl te hi a tlangpuiin Khawthlang lam an tam a, Lawngtlai khawchhung leh a chhehvel a mi te pawh an awm bawk.
Tin, Home a Naute dah tur hi Kum 1 aia upa lo a ni tur a ni a, Kum 1 aia upa chu an chhungten enkawl thei tur a ngaih an ni a. Naupang hi Home ah hian Kum 3 an nih thlengin kan enkawl a, Kum 3 an tlin chuan an chhungten an lachhuak leh thin. Naupang chu an chhungten an lakchhuah in pawisa chawi a ngailova, amaherawhchu \anpuina/lawm thusawina an han pe a nih chuan lawm takin an dawng thei a, pek tur neilo te pawhin an lachhuak thei tho a ni. Tin, an dahluh dawnah erawhchuan thil \ul luhpui ngai a awmve a, Thingrem, Towel, Mawza-1 Kawr leh Kekawr 2 ve ve a ngai ve a ni.
Lairam Motherless Home hi Lairam Isua Krtista Baptist kohhran hmalakna in kalpui mek a ni a, amaherawhchu Kohhran pakhat hmalakna nimahse, a enkawltute chu Mipuite kan ni a, Kohhran bik awm lovin a mamawhte tana din a nih ang takin mimal tin ten mawhphurhna kan nei theuh a ni tih hria ila, Kohhran hrang hrang, Pawl, Mimal an leng vek a ni.
Lairam Motherless Home hi Pathian hruaina in Kum 10 an lo kal ve ta reng mai. He Kum 10 chhung hian thil tam tak a thleng a, hun hlimawm leh lungchhiatthlak tak tak te pawh a thleng a, chhungten Naute dam khawchhuah ve nan tia an rawn kalpui thenkhatte, an duh reng vang nilo va natna tihdam theih loh, \ihbaiawm tak avanga thihna a lo thleng chang te hian hrehawm an tihna hi a zualin hrehawm an ti hle a, a thawktute mai bakah an enkawl naupangte pawh hian an \hian an \hen tak te hi an ngai thei hle a ni.
Naupang \henkhatte erawh chu dam takin an chhungte nen a inhmu leh ta pawh an awm ve nual bawk a. An chhungte, an enkawl naupangte leh a enkawltu naupang te pawh lawmna avangin an biangah mittui a luan chang a tam \hin hle a ni. An enkawl naupangte nen hian an innel hman tawh em avangin naupangte pawhin chhuah hi an chak ngai meuh lova, nimahsela, inenkawlna dan in a sawi angin kum an lo tlin tawh chuan an chhuah mai a lo ngai tawh \hin avangin huphurh tak chungin an chhuak leh mai \hin a ni. A enkawltu leh an naupangte pawh an lung a chhiain lawmna leh hlimna avangin biangah mittui a luang fo \hin reng a ni. Dam taka an chhuak thei leh an chhungte bula an han awm leh tur ngaihtuah erawh chuan an lawmpui awm hle \hin a ni.
Naupang enkawl zingah hian ni 12 mi pakhat an enkawlin hnutehnelai mi 10 an enkawl mek bawk a, a upa ber hi kum 3 mi niin thawktu erawh Home Mother 1, Baby Sister 6 leh IV Grade 1 an awm bawk a. Home Mother leh Baby Sister te hian a hmunah an awmchilhin an enkawl nghal a ni.
|anpuina an dawnna ah lawmthu an sawi
A tawp berah chuan hun kal tawh zawng zawngha thilpek min petute leh min tanpuitu zawng zawng chungah lawmthu kan sawi a, Kohhran hrang hrang, Pawl, Mimal,Sawrkar hnen atangin thilpek tam tak, Pawisa, Thawmhnaw, Puan, Buhfai leh Eitur thil chi hrang hrang tam tak kan dawng a, kan lawm takzet a ni. In thilpek hlutak avang khan henglaia Fahrah te hian eitur silh leh fen tlachham lovin an nei thei a,"Khawngaih thilpek I hlan kha a thlawn lovang, Van khian malsawmin a chhang ang che". Thilpek min petu zawng zawng te Pathianin malsawm che u rawh se, tih hi kan tawngtaina a ni e, tiin a thawktu te chuan lawmthu sawiin \anpuina pe \hin tute Pathian in a let tam takin malsawmna tam tak a vur ngei an beisei a ni.
Kumin kum tawp lam hian hun remchang leh harsatna dang a awm loh chuan HLIMTHLA chuan Motherless Home pual hian Concert buatsaih a tum a. Zaithiam tak tak ten nu leh pa nei lo te tan a zaithiamna leh an aw mawina an rawn pho lang leh dawn a ni.

CEM Bial dangah a ding dawn em ni?

CEM Bial dangah a ding dawn em ni?
Lawngtlai Council Veng MDC Constituency Demand Committee chuan MDC Constituency an hmuh theihna turin theih tawp chhuahin hma an la a, Constituency an hmuh theihna turin Veng chhung mipuite pawh ko khawmin LADC Complex ah te an duh zia lantir in hun an lo hmang tawh a. Tichuan, sorkar lam pawhin an ngenna te ngaipawimawhin MDC Constituency chu an mamawh ang ngeiin an lo pe ta ni. Nimahsela, MDC Constituency an hmuh hnu pawh hian MDC Constituency Demand Committee erawh a la ding reng thung a. Chung Demand Committee te chuan Veng chhung mipui pawh zah zo lovin Candidate tur an zawng emaw tih mai turin tuna CEM nilai mek Pu C.Ngunlianchunga chu Un contest tura an lo tih tawh avangin kal tlangpui tumin hma an la mek a ni.
Hetiang anih avang hian Lawngtlai Council Veng chhunga Political party hrang hrangte chuan hriatthiam harsa an ti hle a. Demand Committee in an duh ang ngei an hmuh tawh hnuah pawh Committee \hiat lovin an duhzawng Candidate siam in tunah hian Pu C.Ngunlianchunga chu Lawngtlai Council Veng MDC Constituency a Candidate ni turin an sawm ta a ni.Hei hian veng chhung mipuite rilru a ti na hle a. |henkhat chuan Demand Committee hian engvangin nge veng chhung mipuite thupawh la lovin an duh duh candidate an siam tiin an lungawi lo hle a ni.Nimahsela, an lungawina leh lungawi lohna chuan awmzia a neih meuh lo niin alang a. Demand Committee zing a\ang hian ham\hatna lo hmu ta te an awm ta em ni ang tih te chu veng chhung pa ho ti ti a ani chho \an mek a. Hei hian veng chhung lungrualna mai bakah Congress party chhungkua ah pawh harsatna tam tak a thlen mek zel a ni.
Tichuan, veng chhunga political party hrang hrangte chuan thuchhuah siam in, ‘Kan demand ang tak a MDC Constituency kan nei ta hi lawmawm kan ti a, kan Veng hming pu a constituency min petu Delimitation committee te chungah lawmthu kan sawi a ni. Tin, Constituency kan dilna a duhsak taka min tanpuitu kan ram hruaitu te leh kohhran pawl hrang hrang min tawngtai sak tu te hnenah pawh lawmthu kan sawi bawk e’tiin hetiang hian point hrang hrang an siam a.
1. Kan beisei ang taka constituency kan lo neih tak hi chuan demand committee hi a din reng tul kan ti lo.
2. Demand Committee in Uncontest tura mipuite rawn lova hma an la hi mipuite min zah lovin min ngainep hle a, chuvang chuan council veng all political party (MNF,MPC,ZNP,INC) chuan demand committee hma lakna hi kan duh lo.
3. Dt 15/8/2010 All Political Party Joint meeting chuan demand committee hmalakna uncontest hi a ngaihtuah a, engtikawngzawng mahin tha a ti lova, a tawp thlengin a do tlat dawn a ni.
4. Demand Committee in Council Veng Constituency phalria a, veng dang mi laka an zuar hi Council Veng Constituency mipui ten na kan tiin kn duh lo tak zet a chuvang chuan demand committee hian an hmalakna hi bansan nghal rawh se.
5. Council Veng Constituency mipui te chuan demand committee hotute thu kalpui dan hi thutaka dinpui tlak a nih loh avangin an hmalakna hi bansan tawh se mipuite chuan tha kan ti,
6. Kan hotute hian Council Veng Constituency chhung a mi ngei hi min pe thei se kan duh takzet a ni.
7. Tin, an Chairman L.Chinzah pawhin a chawlhsan tawh hnu hi chuan Demand Committee chu thiat tawh tur ah kan ngai a ni.
tiin thuchhuah an lo siam tawh a. Tin, HLIMTHLA Monthly Magazine chuan mi hrang hrang hnenah ngaidan lain Demand Committee in an thutlukna chu an pawm loh thu an sawi uar hle a. Mi \henkhat chuan Demand Committee hi Candidate Committee ah an thlak ta mai em ni an ti hial a ni.
Lawngtlai Council Veng MDC Constituency hi Lawngtlai Chandmary-II nena inkawp tur an ni a. Chandamry-II lamah erawh chuan Village Council, Congress Unit, Young Lai Association, MHIP, LWA leh MUP Branch te chuan inhmuhkhawmna neiin CEM Pu C.Ngunlianchunga chu an Bial a ding tura an thlawp thu an sawi a ni.
Dt 20.Aug’2010 zan khan Pu C.T Mawia Vice President ZNP in ah Joint Meeting hi neiin Chandmary-II VCP Pu Roenga’n meeting hi kaihruaiin hetiang hian resolution an siam a ni. Kumin kum tawp lama MDC Constituency tharah hian Pu C.Ngunlianchunga CEM nilai chu Congress ticket a ding ngei tura sawm nise kan ti a, chumi bawhzui nan Pu C.Ngunlianchunga CEM LADC chu Council Veng Consituency a ding turin kan sawm a ni. Pu C.Ngunlianchunga CEM hi Council Veng MDC Constituency Ticket a adin theih nan Mizoram Pradesh Congress President Pu Lal Thanhawla hnen ah ngenna siam nise, a \ul anga bawhsui ni bawk se, mipuite’n theihtawp kan chhuah dawn a ni tiin resolution an siam nghe nghe a ni.
Tunah hian Lawngtlai Council Veng MDC Constituency Demand Committee chuan MDC Constituency hmu tawh mahse, Committee chu kalpui zel a \ha tiin CEM tan hian nasa takin hma an lakpui zel bawk a. Congress party chhungkua pawh an inbei nasa hle a ni. Hmuh tawh hnu a Committee la ding reng chu mipui mak tih khawp a ni.
MPF hmalakna tihnawk tu MPF tho an ni em
Lawngtlai Council Veng MDC Constituency a Village Council pakhat zawk Chandamry-II a NGO te hian thilsual lian tak an ti a ni tih an hre lo nge, NGO te MPF ah an tel ve tih an hre lo zawk tih ngaihtuahna tam tak a awm thei ang.
NGO hrang hrangin CEM an thlawpna ah hian thilsual lian tak an ti a. MPF thawktu te hi NGO pawl hrang hrang an ni a, heng pawl hrang hrang a Hqrs te hian MPF hi an zawm tlat a, Chumi anih avang chuan MPF hmalakna pawh a chak dawn a nih tih ngaihtuahna a awm mek laiin, MPF hmalakna thlawptu tur ten CEM thlawpna thu an tlangau pui hi Hqrs lama hruaitute hian hma la se ava \ha dawn em. MPF a inchhung lut NGO pawl hrang hrang in midangte tana \hatna tur ani emaw chhiatna tur a ni emaw, politics a midangte tana hmalak pui vak hi MPF thiltih tur a ni ang em. Anih si loh chuan NGO committee ten an thlawpna an tlangau pui hi MPF dan bawhchia ani em, MPF tana thawk tur leh inthlanna thianghlim leh felfai zawk a awm theihna tur atana hmala tu tur ten hetianga midang te thlawpna awka an chhuah hi NGO tin a Hqrs hruaitute hian hma la thei se a \ha hle dawn niin alang. MPF nihna hre reng chunga election hi i hmachhawn ang u.

V.Lalmuanpuii Bihchianna

Kum 1993 October thla khan Lawngtlai khaw bul lawk a awm, Thingfal khua ah sawm Lalrempuii Hnamte leh V.Johana te chu siamtu Pathianin chi thlah tur a siam ang a, nung turin nupa ah lo in siamin fanau malsawmna pawh an an dawng hle a. Tunah hian fa pali hmeichhia pathum leh mipa pakhat neiin Kum 1997 khan Lawngtlai ah rawn pem in tunah hian Lawngtlai Bazar ah an khawsa mek a ni.
Kum 1996 May 14 khan V.Johana leh Lalrempari te fanu ni turinV.Lalmuanpuii chu Thingfal khua ah a lo piang a. Naupang fel tak tawng duh tak leh kawm nuam em em niin, \hen leh rual kawm thiam tak, aia upa te zahthiam tak anih mai bakah naupang harh vang tak a ni a. Tunah hian ML.Junior English School ah Class -IX zirin thla kalta September 1-13 2010 chhunga The Friends Club leh World Vision India Chhimtuipui Area a U-18 Solo Competition buatsaih ah khan Contestant mi 39 zingah a thiam ber nihna hauhin Computer Set, Rs 5,000 leh Cartificate mai bakah mimal a\angin thilpek chi hrang hrang a dawng nual bawk a ni.
Tunge V.Lalmuanpuii chu i han bihchiang dawn teh ang.
HLIMTHLA (HT) V.Lalmuanpuii (M.p-i)
HT : A hmasain HLIMTHLA Monthly Magazine Editorial Board aiawhin chibai kan buk che in, Solo Competition ah pakhatna i nih avangin pawhin lawmpuina chibai ka buk che in, inkawmna hun \ha tak min pek avangin pawhin ka lawm e.
M.p-i :- (a nui vur vur a...)Keipawh ka lawm e.
HT :- A hmasa in i pianni leh Kum bakh i pianna leh i seilenna hmun min hrilh thei ang em le?
M.p-i :- Aw, hrilh thei teh reng e, Kum 1996 May 14 khan Thingfal khua ah ka lo piang a, ka seilenna tak hi chu tunah ka awmna Lawngtlai Bazar hi a ni e.
HT : Han inzawt nghal bawr bawrh mai ila, i nu leh pa hming te min hrilh thei em ? Unau engzat nge in nih a, engzatna nge i nih ?
M.p-i : - Ka nu hming chu Lalrempari Hnamte a ni a, ka pa hming chu V.Johana a ni a, keini unau hi pali niin a upa ber dawttu ka ni.
HT :- Zai lamah hian engtik a\angin nge i in hman \an?
M.p-i :- Naupang tet te a\anga zai ka ni a, Kum 8 mi ka nih hian mipui hma ka zai hmasak ber a ni a. Chu chu kum 2004 KNP (naupang pawl) Inkhawmpui Salem Biak In a an neih kha a ni awm e.
HT:-Zai lamah hian chhungte emaw nu leh pa hanchhun tur i nei \ha viau a ni lo maw? Hetia zai i thiamta hi?
M.p-i :- Chutiangin chhun tur kan nei em em lo. (fiamthu in..) Ka pa hi a tlangval laiin tape recorder hi a ngaithla \hin a, ka nu a zai ve \hin mahse, chutia han chhuan tur em em chu an ni lo. Keimah hi zai lamah hian ka tui ve hrim hrim a ni e.
HT :- Zai lam bakah hian thil dang infiamna lam te hi i tui ve tho em? Eng te nge min han hrilh ve leh reng reng teh?
M.p-i :- Aw, infiamna lamah chuan Volleyball hi nuam ka ti ber a, Long Jump leh High Jump te pawh hi ka ti ve \hin.
HT :- Intihsiakna ah hian i tel tam tawh em? Eng zatna te nge i nih \hin?
M.p-i :- Tel tam love, September thla a, The Friends Club leh World Vision ten an buatsaih bak kha chu tel na em em ka nei lo. Kha tah khan beisei loh deuh in pakhatna kan ni ve a, ka lawm khawp mai.
HT : Ava lawmawm ve, keini pawhin kan lawmpui tak zet a che. Anih leh lawmpuitu i ngah em? Tute nge?
M.p-i :- Aw, lawmpui tu ka ngah khawp mai. A bik tak in ka nu leh pa leh chhungte bakah ML.Junior School Principal leh staff te mai bakah ka zirlaipui ten min lamwpui thiam em em a, an chungah pawh lawmthu ka sawi a, tin kan veng chhung YLA te pawhin min lawmpui hle a ni. Heng bakah hian sawi loh pawh an la tam khawp mai. An chungah pawh ka lawm tak zet a ni.
HT :- Solo Competition a pakhatna i nih hnu khan phone call i dawng nasa niin kan lo hria a, a dik em?
M.p-i :- Aw dik e, min lawmpuitu te an ni hlawm a. Keimahin phone ka neih loh avangin ka nu leh pa te phone a\angin lawmpui thu ka dawng nasa.
HT :- Anih leh Competition ah khan Hla engzat nge i sak a,eng hla kha nge i duh ber ?
M.p-i :- Hla pali ka sa thei a, ka hla sakah khan ka duh ber chu Pu CZ.Thanliana hla phuah ‘Ka pa Zu hi sim ve tawh teh” tih kha ka duh ber a, vawihnih ka sa nawn nghe nghe a ni.
HT :- Kha hla kha hla \ha tak a ni a, anih chuan i pa hian zu a in ve \hin reng em ni, engvang a sa ve ngawt nge i nih a, tunge thlan sak che?
M.p-i :- Aw,ka pa hi zu in \hin a ni a, he hla ka sak lai hian a mood ah ka cheng khawp mai a,kha hla kha ka tan mai ni lo kan chhungkaw tan chuan hla \ha tak a ni a. Ka duh ber bawk a, World Vision in Music Video min siam sak hun ah pawh kha hla kha ka sak ngei ka ring a ni. Intihsiakna atana min thlansaktu chu ka nu a ni a, a thlang fuh khawpin ka hria.
HT :- Hemi hnu hian mipui hmaa zaina hun i nei leh em ? Sawmna te i dawng nasa viau lo maw?
M.p-i : Aw,nei ve leh nghal a. HLIMTHLA Magazine in Pu F.Laltuaia Nite an buatsaih ah khan ama hla, ‘Fenchhing’ hla kha Live Music in ka sa a, nuam la ti khawp mai. Khami hnu pawh khan sawmna chu ka dawng ve leh bawk.
HT :- Anih leh F.Laltuaia Nite kha nuam i ti em?
M.p-i :- Aw ti lutuk, Lawngtlai a function kan neih chuan Live Music a zai miten (a inthiam lo khawp mai) ka hriat ve chin ah Live Music a function kan neih la awm chhun a ni a, nuam ka tiin ka hlawk khawp mai. Khang lo pawh kha programme dang buatsaih leh thei ula a lawmawm hle ang.
HT :-Mizo zaithiam zingah tunge zaithiam i tih ber ?
M.p-i :- Hmeichhia ah chuan Lalrindiki Khiangte, mipa ah chuan thiam tih em em ka nei hran lo.
HT : eng ram nge i hmuh chak ber?
M.p-i :- Korean Flim hi ka en tam khawp mai a, S.Korea hi hmuh ka chak khawp mai, a mi cheng te nen.
HT : Eng rawng (color) nge mawi i tih ber le?
M.p-i :- Rawng (color) ah chuan a pawl hi mawi ka ti ber.
HT :- Kan Magazine hi ilo chhiar ve tawh \hin em?
M.p-i :- Aw, chhiar ve tawh \hin e. Ka rin aiin a \ha in a changkang a. Chhiar a nuam khawp mai.
HT :- MPF lamin Music Video an siamnna ah khan i tel ve em?
M.p-i :- Aw tel ve e, Rev.Lalbiaknia hla phuah ‘Lairam thar i siam ang u’ tih kha a ni a, a hla a \ha in a mawi khawp mai.
HT : Hun \ha tak min pek avangin kan lawm e.
M.p-i :- Keipawh ka lawm e.
V.Lalmuanpuii hi tunah hian Lawngtlai Bazar ah an chhungkua in an khawsa mek a, zai lam chhun tur nei lo mahse, amah hi zai leh lam a tui em em mai a. Naupang harh vang tak niin kawm pawh a muan hle a ni. World Vision India leh Friend Club buatsaih Solo Competion ah khan pakhatna niin lawmpui tu pawh a ngah hle a. Rimawi khawvel ah chuan mithar tak nimahsela, tunah hian Lawngtlai khawpui a programme awm tawhna ah chuan zai a sawm hlawh pawl tak a ni a. He naupang duhawm tak mai hi a kal zelna turah duhsakna kan hlan mawlh mawlh a. Zai a ngainat ang bawk hian zirna pawh ngaipawimawh se tiin duhsakna kan hlan a. Kumin chhung ngei hian a Music Video pawh kan hmuh hman ngei kan beisei a ni. Ei leh in lam a ngaina hle a. A ei tam ngaihtuah erawh chuan a thau lo hle a, a pian pawh a mawi tawk khawp mai.

Hmangaih loh Di

Hmangaih loh Di
Khawnvar mei mit in, laikhum zal la
I anka dam diai nen ka tang bei ta che
Engdang reng dawn lo hian
Ka pawm vawng vawng nang che

Mahse min hmangaih tur che hian maw
Kei zawng ka tir thei silo che
Lungloh tui i dawn tur ka kham zo si lo
A pawi mang e lungrun

Laikhum zalin ka dawn vawng vawng
I lungdum loh val mai maw ka chan tawk
Zingtian khuavar se a dam mahna
Ka thlir nang e suihlung dam ni tur chu.

Damtakin liam ta che lungrun
Nang zawng a thaval phunsang runah
Sempawk chawiin vul zel nang che

Sena hi chu ka khawngaih ngawt mai, riang em em emaw ka intih lai hian kei aia riang leh hmangaihna la lungrun zawk thianpa ka nei hi lawm tur nge lungngaih tur pawh ka hre nek love. Sap tawng takin 'childhood friend' tih takah hian kan in hnaih(close) dan hi a dang ve re re a, Kan Rawlthar cho vel hun 'Sena Pawl' kan khua a lar lai phei kha chuan a khaipa ber ka ni ve reng bawka. Sunday mi inkhawm kal hun lai vel hian teltin, baket nen 'Dam tui' lam pan in kan han liam ngei thrin anih kha.. (Insu turin..lolzz) Chhungten i inkhawm chuan pawisa ka pe ang che an tih pawn, " eng zat?" ti hmasa ber thin kha kan ni ve re re a..
Tleirawl/Rawlthar hawklak hun lai hi awm ve re re in ka hria, kei chuan khang hun lai kha "Khawvel Damlai pialral" ka ti hial asin. CHARCOAL BAND diin kan thrian za khan " Mary thatchhia i tho ang em, i tho ang em" tih kha kan khaw hall kawtah kan rem thrap thrap thrin anih kha.. part kim tlapin mawle..
Ka sawi duah a, a chung a lyric nen inmil lo e..Mahse thianpa Sena tan liau liau leh keima tan nipah fawm a ka phuah ve hla ani a, achhan chu, he khawvel duhasiam kim lohna ah hian kan lo tawn ve thil te hi a in ang thei em a, hlathu thiam tawk te in ka han ziak chhuak ve anih hi. Hemi hla a lo pian dawn hian ti hian thrianpa Sena chuan a thawnthu min hrilh a
"Kimi hi chu ka hmangaih tlawt in ka hria, Atan hian ka neih zawng zawng pawh pek ka in huam , ka nuna hial pawh. a kiangah hi chuan he khawvel hringnunah hian engmah dang reng ka lungkham thei lo, ka lawm akimin dam man ka nei hluah hluah hian ka in hria, atang nemah ka bei changni te hian an sawi leh hril thrin PIALRAL hi hetiang ang reng hian rilru leh thinlung hahdamna anih ve tho si chuan ka ngai hranpa dawn em ni ? te ka ti thrin .. a tia
Mahse maw ka hmangaih-i hian chung zawng zawng ka rilru put hmang leh engkim hre vek mahse, Khuanu in a lo duan sa hringnunah hian keimah leh ama chung a thleng dik tur reng hian min HMANGAIH ve thei tlat si lo. A mak a pawi tiraw!! Min hmangaih ve tur hian engmah tih theih ka nei lo, a lungrilah hmun ka chan loh miau si chuan maw.. min hmangaih ve tur hian dil mah ila, a chhanna chu "A pawi khawp mai, Hmangaih dang ka lo nei tawh si a" tih mai hi ani, min haw mah la ka thiam lo chuang lo che.. hmanah khan lo hrilh tur che ka ni asin mawle.."ati a, nia tunah chuan i zun ngai hian khua chu ka lo tlai ta reng anih hi, ka tan thil pakhat chuah min tih sak ta la , chu chu i tu leh fate hnenah thu ro chhiah in hlan ang che aw.. " Hmangaih loh leh lungrun loh leng in tawn chuan, an tan khua a tlai hma ngeiin hrilh hre thuai thrin ang che u" tih hi.. tiin min rawn hrilh a. chhan dan tur leh han hnem dan tur ngaihna vak hi kan hre lo mai mai khawp... .. ka in dawm ta vawng vawng ringawt mai anih hi....

A Rem si lo

A sakruang leh kimtlanga hmangaihna bet tel tlat mai te chu sawi tel pawh a tul lem lo'ng, a mit mengmawi leh biangsum inchawih tawn zia lek fang phei chu a hmel hmu thintute chuan ANGEL an ti a nih pawhin an mawh lo ve, chu chu fakna uchuak a ni hauh dawn si lo va. Chu ai mah chuan thenrual kawm thiam tak a nihna chuan lengzawngte a tihlim a, tu hriatpui si lo hian tatu nih an phu hliah hliah vek ang a, ka chanpual lo ti mai tawk te pawh an awm ta ve ang. A ankanem thlum tak mai avang te chuan hringnun timawii lo titawk te pawh an awm mai thei e, tu hriat va ni suh.
Chutianga a rualkawm thiamna leh a hmelthatna te chu chhuanpui mai a hnekin a thiante tichapo tirtu a ni hial zawk a, a bula chen a nawm tlukin a thian nih pawh insawitheihna tham hial a tling ta ve ang. A tawnah ka luangliam lo a nih pawhin ka tuiral mai ang titu pawh Mizo tlangval zingah hian an kat nukin ka ring. A ni, Pasaltha Vanapa pawh kha la dam teh reng se, he Tuaitiri tawnah hian zawng, tui ang a nem duai ve thovin ka ring.. Chu ngei mai chu Thlang sappui Lanu an lo tih mitmeng pawl ralh mai leh bahsam buang hnap mai, han en mai chuan vantirhkoh thlah emaw tih mai tura fai nalh a ni a. A han hawi zawnga a sam buang thak mai a han invawrh phingphileng siau siau mai te chu thlunglu tihaitu a va ni teh lul em.
A sakruang leh kimtlang mawina te, a lungril leh ngaihtuahna tluangtlam tak leh a thenrual kawm thiam zia pawh kan sawi tawh a, a hmelhriat nih pawh chapopuina tham hial a tlin thu kan sawi tawh bawk e. A ni, tlangval a zawnga tlangval berhchep ve tak, hmel leh pian zia-ah nise chhuan tur nei hawt lo, mongoloid thlah tih taka hnar bang sang lo ve tak leh mitmeng zim set mai tan chuan a voh bik nih chu vawikhat dam ve manah han hnar chu har tak tur a ni ngei mai. Hei lo liama lei malsawmna enge awm chuang ti hial duh pawh an awm mai thei e. Mahse ......? A Rem Si Lo ! A ni, Thlang sappui ngai bil lova kan lenna Zotlang mawitu runlum nuthai atan chuan Zolanu ngat le...
( Zolanu ten ‘Kei zawng ka thlang Mizo Val nge’ an tih ti thei ve zel thei sela, kan ramah hian hnam dang hi an pung tual tual lo tur a nia, Vai makpa, Vai tupa nei Zofa kan pung tual tual mai si a, hnam dang tan A Rem Si Lo kan ti ve dawn em le. Mizo mipa ten hnam dang nupui a neih an duh loh laiin Mizo hmeihchhia ten hnam dang an nei leh tlat \hin hi a pawi a ni.)

Luahloh L di Hmeltha

Luahloh L di Hmeltha
Zan thla eng chuan kan bathlar chu a rawn en paw riai a, eng eng emaw buaipuia ka room a ka inkhung pawh chu ka insum zo thlawt lova, Pawnah chuan ka va chhuak a, kan inhnunga thingkung lianpui ding chhip ler zawn vel ah chuan chu zan lalnu chuan lungleng leh mal inti ve ngawih ngawih ni awm tak hian amah chauh chuan ngawi rengin a lo eng a. Bryan White's hla ...
"Alone again tonight without someone to love.. star are shining bright
So one more wish goes up...
Oh i wish i may and i wish with all my might.
For the love I'm dreaming of and missing in my life..
I guess i must be wishing on someone else's star...."
tih hla ipod a play chung chuan, van boruak thiang engmawi tak mai chu ka han thlir vang vang a, He khawvel hringnun inher vel hi min ngaihtuah neuh neuh tir ta a, Kan tleirawl chhuah vel laia Thla bial zan kan hlimpui thin zia te leh kan tawntirh di leh rawlthar di te nen he khawvel ah lungkham dang engmah neilova, vullai nite par ang kan tlan za thin kha ani si a, Khang hunlai tawh atang khan khi 'Chhawrhthlapui' khi chu a danglam ngailova, Tun thleng hian kan naupan laia a hmel ngai leh pian zia ang reng tho khan ngaite in hun takah par ang vul zai ala rawn rel reng bik si thin....
Chumi kum Khuangchawi thla eng zan pawh chu kum sul tam taka lo tih thrin ang tho chuan THLAPUII pawh chu ngaite bawkin a rawn herchhuak veleh a. "Sena chuan inti pachang hram hram rawh aw.. khawvel hi a tawp ta pawh ani hlei nem, Khuanu tuah loh di i tawng palh ve mai alawm , hun herin ala hnem ve mai ang che, tin hei tleirawl nun kan hmang tan ve dawn chauh a, nakum lam ah te Aizawl lamah college te i kal a nga, I tan ruat ngei di i tawnni ala her chhuak ve mai ang..lungngai reng reng suh.. khuarei hian ala ngilh tir ve mai ang che." tia dum bur phawrh paha mei zial neuh neuh chung chuan a thiam tawk te te chuan min hnem ve a.
Ani taka ka la lungrun deuh pawh ani mahna, mahse ka mithhla ah chuan ka awm ngheng a Euro cup kan pahniha kan en tum a, "Az ka leilawmna ber ini tih hi i in hria em? khuanu samsuih loh leng kan nih hi ka hlau e.. " tia pangchang taka ka hmuia min fawp thin kha ani si a. Rem lo tura ruat ta fam chu e, hun a lo her a thenna kawlah a lo her chhuah meuh chuan lung hnurin mawi leh mawilo pawh kan dawn zo ta lo anih hi maw..
Ka tingtang kuah lai chu ka han tum ri ve tang tang a, run tak leh a thu a cheng ve em em mai hian, kan thiandun chuan "luahloh l di" tih hla ngei mai hi kan han sa dun anih kha.. Hmeichhia duhlo tu vanga mittui han sen chu nep inti ru hle mah ila, ka dang thei mawlh silo

.."Kan hlimlai ni a liam mai tur hi
Ka phallo aw ka di nang ngaihlai
Eng biahthu hriain nge suihlung i her tak
Aw ka ngai em a che luahloh L di hmeltha

I mawi chuang bik asin i lenrual zingah hian
Fur khawthiang chhawrhtla eng i iang e
Ngaihno bei chuang hmangaih par ka thliahpui siloh
Aw ka ngai em a c he luahloh L di hmeltha

Kan runah nuthai chang min tiam a
Kan silh leh fen ang fen min tiam a
Lianchhung annem ka phuloh val i tawn vanga
Suihlung min hersan hi tuar a har ana ka ti

Hmangaihna chhingmitdel vang em ni
An hai lo lengzawngten kan nunhlui
Kan hlimthlaa suihlung kan ruallai ka thlirin
Ka tuar zo dawm nem maw luahloh L di hmeltha "

F.Laltuaia Nite

Dt 17th Sept’ 2010 zan khan HLIMTHLA buatsaihin Lawngtlai hmun ah ngei mai F.Laltuaia Nite buatsaih a ni a. Hetiang hun hi Lawngtlai atan chaun a hmasa ber niin khaw chhe karah mipui lam pawhin an hlut thiam hle a. YLA Hall Lawngtlai-III chu an khat mawi tawk hle a ni. Programme hi R.Lalruatkimi leh PC.Chuaudinga hneh takin an kaihruai a ni.
Pu F.Laltuaia ah hian Khuallian atan Pu C.Ramhluna MLA chu hman niin khuallian chuan ‘Pu F.Laltuaia hi chawimawi a phu hle in ka hria a, hetianga ama puala hun kan buatsaih thei hi kan tih tur dik tak kan ti niin ka hria a,hetiang programme ngaihtuah chhuaktu Elvis Lalthangzuala leh a \hiante hi ka fak a, lawmawm ka ti a, an chungah pawh lawmthu ka sawi a ni’ a ti a. A sawi zelna ah chuan ‘Hla 120 phuah thei kan nei hi kan vannei hle a, hetiang ang mihring kan Lairam chhuak kan nei hi a chhuanawm tak zet zet in ka hria a, Lal chhungkua a\anga seilian anih avangin he ram hi ka ram ti thei a ni a,keini pawhin he ram neitu dik tak ani tiin kan recognised tur a ni a,chumi rilru leh ngaihtuahna neiin a NIte hi kan hmang a ni. Pu F.Laltuaia hian damlai lung a phun nasa hle in ka hria a, Evangelist (thusawi thiam tak a ni a) Zai a thiam a, hla a phuah thiam hle bawk a, Music instrument hrang hrang a hmang thiam vek a ni. Chuvang chuan khawvela a lo pian chhan a tihhlawhtlin hi ava tam em. Hetiang mi ropui kan nei hi Laifa te hi kan vannei hle a ni’ a ti bawk. Hemi zan hian Pu C.Ramhluna hnenah HLIMTHLA chuan Laifa zinga IFS hmasa ber a nih avangin chawimawina thuziak a hlan nghe nghe a ni.
Hemi zan hian Lawngtlai khawpui chhunga zaithiamte, Zonunmawii leh Lunglei lam a\anga zaithiam lokal ten kalkhawm te zaiin an awi a ni. Hun hlimawm tak hman a ni a. HLIMTHLA Editor chuan Pu F.Laltuaia Nite buatsaih anih chhan sawiin a damlai ngei a chawimawi hi a phu a ni ti a ni. Hemi zan hian Pu F.Laltuaia hnenah Organizing chuan chawimawina thuziak a hlan nghe nghe a ni.
Pu F.Laltuaia Nite zan a zai mite leh kan Host te mawi tak cheitu Pizza Beauty Saloon te an ni a. An ni hian a thlawm liau liau in an che a, an chungah pawh lawmthu Organizing chuan lawmthu a sawi a. An mahni pan duh te tan Lawngtlai Bazar Pu C.Liantlunga Building ah an awm a ni.
Hetiang hun hi Lawngtlai khawpui ah hian la neih ngai loh a ni a, a vawikhatna a nih mai bakah Live Music vek a zaithiam ten kalkhawm mipuite’n zai a an awi hi a lawmawm hle a,Lawngtlai \halaite Music a kan tui hal zia a tilang chiang hle a ni.

Politician tha Ram hmangaihtu Pakhat tal pawh awm ve se….

Politician tha Ram hmangaihtu Pakhat tal pawh awm ve se….
by dindin

Kan ram zoram State pawn a state nih kum atanga han chhiar chuan Kum 24 a lo pum ve leh ta reng mai a, state a upa tawlh tawlh a a pachhe tawlh tawlh thung ani ber mai in a hriat a. Chu chu engtin nge i sawi theih min ti anih chuan LEIBA kan ngah tawlh tawlh dan a tang hian tiin awlsam tak in ka lo chhang fel et mai ang che u. Mi state te chu an upa tawlh tawlh a an hausa in an intodelh tawlh tawlh ani tlang pui a,kan thenawm Manipur state te ang erawh sawi tel lovin.
Ram hmangaih tu tak tak chuan min kai hruai ni tase kum 24 chhung hi chuan Electricity ah te, ei leh bar ah te, factories lamah te kan changtlung ve thawkhat tawh ngei ang le. Punjab state rethei tak ni thin, tuna India ram a state changkang leh hausa ber zing a awm theihna chhan bulpui ber chu an Politician Pakhat an ram hmangaih tak tak tu Pratab Singh Kairon an neih vang ani ti ila Punjab state mipui te chuan min hnial lo khawp ang. Ti hian ama chanchin ziahna ah pawh a in ziak ngat ani.
A English hian dah ta zawk ila a chiang zawk in ka ring; He (Pratab Singh Kairon) placed Punjab on the industrial map of the country and ushered huge prosperity for Punjab tiin. Kum 1947 – 1949 thleng Minister niin kum 1952 – 1964 thleng a chief Minister niin kum 1965 february 6 ah a PA leh IAS officer pakhat leh a Driver nen kah hlum an ni ta anih kha. He pa zarah hian Punjab state chu India ram upumpuia thingtlang khua zawng zawnga electric thlung chhuak hmasa ber dinhmunah a din phah thei ta ani. A chief Minister nihlai a a thupui ber chu Irrigation, electricfication leh roads ani a, theih tawp a chhuah bawk a.
A zawng zawng chu ti vek hman lo mahse kawng zawng zawng chu a sat ko vek thung ani. Tin amah hi Zu in mi anih loh thu a chanchin ziahna ah hian tarlan chian ani a, mahse prohibition chungchang a sawi chhuah dan atang hian mi huaisen, dik ni a hriat chu tlang tak a hmala thin ani tih a lang chiang viau in ka hria..hetiang hian a saw ani, a English bawk in a fiah zawk ang.”Liquor Total Prohibition is the Fetish of fools’ tiin.
Kan ram hian hetiang tak a mi huaisen thil tha duh tak tak mi hi han nei ve teh reng ila chuan Silchar nikhat kawng pin vang ringawt chuan kan mangang lo deuh tur ania. PC an sorkar a, chutah Congress,chuan Mizo National Front(MNF) tuman vawiin thlengin Ram hnuk an la siam lo anih ber hi.Congress sorkar hmasak khan Lengpui Airport leh Referral Hospital kha an term tawp dawn lamah khan an han buaipui chiam a mahse ram hmangaihtu in ti MNF ten ti puitling duh hek lo vawin thlengin a la tawl mai mai bawk. An party ah pawh Mizo telh ngat khan a lang apau in corruption an practice ni ber alang a. Contract chhan dawn reng rengin MLA pakhat Kohhran Upa leh nghal emaw ni hnenah 3% pek a ngai zel zu nia.A va rapthlak em!! Khawihah tak kan ram MIzoram chuan That phah i maw..!!!!
Tun ah hei Congress chu an lo ding chhuak leh ta a, a tha zawk dang thlan tur awm hel lo le. Thil tih tum chu an nei tha, mahse kum hnih liam dawn ruai ah pawh an thupui ber NLUP pawh an la ti hlawh tling thei lo ani si ale. Beisei hi a va han chau leh tak em..!!! Kolodyne Phase-ii te khan thin phu alo ti rang hman ve viau tawh asin le, tunah survey neih that leh angai an tia maw ni, ti hian a zui ral leh ami ang tih a hlauhom teh mang tak e. Mitha satliah ni lo, mi chak, mi huaisen, mi dik tak, Tun laia ADA chung chang sawi a Mawl tak a tawng lung lung ching mi ni lo kan va mamawh tak em….lo zuang chhuak teh un…!!!!

Ka Hmangaih Reng Che a sin

Ka hmangaih reng ang che
by hmingsanga
Ka thawnthu hriat nen ava in hnaih ve he thu chu, kan rawn sawi kur ve duah mai teh ang…
Hmangaih leh duh deuh mai ka nei a, ani pawhin min hmangaih ve khawp mai, kan hlim dun thei hle. Mahse, hun arei deuha a nuin afanu ngaihzawng atan min lo duh lo hle tih ahre chhuak a..a chhungte duh loh chu a ti lui dawn lo tih hi ahma pawhin min hrilh lawk tawh a, a chhung ten min duh dawn lo tih a hre lawk bik lo aniang chu..min hmangaih thu min hrilh hnuah kei pawhin mak tak maiin ka hmangaih ve ta a, a bula awm ka ning lova, ka thlahlel em em reng mai a ni..an pu nena an in tawn hma lawk hian a nuin min duh lo tih a hre tran a…
Chumi vang nge an midang kei aia sum nei zawk amah duh em em tu atawn tak vang nge pawh ka hre lo?? an pu nena an in tawn hnu atanga rei vak lovah kan in karah neuh2 thu alo piang a, a hna thawhna lama an pu a ni nghe nghe a. Amah pawhin an puin a Star thu min hrilh a, ngaihtha takin lo Star ve mai2 rawh se tiin amah ring takin hlim takin kan la awm a. A rei hnu deuh chuan an lo chhuak ho tam a, an pu tih lawmloh chu a hlau ta tlat mai a…mahse, min hmangaih tih min hrilh vangin amah ka ring lo phal bawk si lo..
Hun a kal zel a, ka hmangaihi chuan an pu te nena Pub-a an kal ho pawh chu min lo hrilh duh lova, ka rilru nat ahlauh vanga min hrilh duh lo niin a sawi a…ka rilru hi hoteah hian a lo na ve thin bawk sia… Ka dawp fe hnuah pawh an kal tih min hrilh lova, an kal ngei a ni tih Proof-na thlalak ka hmuh fuh chu ka en tir ngei a, chumi hnuah dawt a sawi tih min hrilh a. rilru ana duh ngeih2 hle mai…ngaihdam min dila ka ngai dam thei a, mahse dawt hi khawvel awm chhungin a tlo thei lo tih chiang takin ka hrilh fiah nghal a…
Min hmangaih ti chung reng hian min hmangaih ve tak tak lo em ni aw? tih hi keimaha ka awm changa ka in zawh tam ber a ni awm e…tunah chuan kan in tha thren hrih a ni ber e…ka hmangaih hmasa ber a ni a, hmangaih awm ring lo khawpa hetiang lama khrih hmangaihna neia min siamtu hi ka nei thei dawn tawh lo niin ka hria a, neih theih chu ka chak khawp mai…ka thawk ve trek2 chhung chuan ka hmangaih reng dawn si a…
Keichuan ka hmangaih kumkhua ang, zan tin kan pahnih tana kawl a lo eng ve theih nan tiin ka tawngtai ve ziah a…tunah pawh ka tawngtai ka thulh chuang lo..mahse, roreltu rorel dan hi keini hriatthiam phak chi ni hek lo le…tuna chinah chuan beiseina beidawnthlak tak ngial pawh ka nei tawh lo…”Biang chik thei” “Ka no no pui” “Ka tuai terekte” tia min ko thin kha min ko ngai ta si lo…lung ava leng duh em…..Ph-a han biak reng te ka chak, mahse aman min rawn Ph te a nih ngawt loh chuan ka Ph a rem si lo…biak fuh ve chang lah hian a lo buai thei em em bawk sia…keichuan engtik lai pawhin ka be chak..engtikahmah theihnghilh theih ni i awm dawn si lova..a lo van nun rawng em “Hmangaihna” an tih hi!!..
Ka hmangaihi hian min duatin min ngai thei hle thin a, hetianga min hmangaihtu leh min ngaia min duat tu ka nei hi vannei pawh ka inti thin hle a..kan inngai em2 reng a, kan awm dun loh lai pawn Ph-ah tal kan inbe reng thin a…mahse, tunah chuan hmanlai an chang zo ta!! ka hmangaihi hian ka tan engmah ui a nei lova, ka nawmsam lohin duat takin min buaipui a…ka tan chuan tih hreh pawh a nei hek lo..kei pawhin ka theih tawk leh thiam ang tawk chuan ka duat ve, ani anga duat leh hmangaih hi chu ka thisen zawmpui tih lovah chuan ka la nei lo..ka neih theih pawh ka in ring ngai lo…zah pawh dawn lovin ka hmangaih a, atan chuan engkim tih ka huamin ka neih ve chhun pawh ka ui lo..ka hmangaihna hi a rinawma, engtik lai mahin hmeichhe dang ka ngaihmelh ngai lova, hmeichhia thian ka biak ve thin ho pawh ka be tawh ngai lova, thiante pawh ni mahse engemaw zawnga min lo kawm an tum takin tih thu hlaah keimah ka in thiar fihlim nghal a..ka Ofis lam thiante hnenah pawh ka bial nu ka hmangaih zia hi ka hrilh ve thin a, ka hmangaih anga hmangaihtu bial pa neih ve an chak ve thei hle niin ka hria…
Duhthu kan sam ve laite khan kan fa hming atana Lalmuanawma kan sa anga kan tia, a Nick Name atan Alfonso nalh i tih thu i sawite pawh kha ka bengah ala cham reng asin..i sam kir chhapte kha i inhmeh sia, i mit lah chu duhthusamin a mawi a…i taksa peng zingah chuan i mit hi a Powerful ber awm e…kan pahniha kan thlak dunte ka en mai2 thin a, achang leh Ph-a kan in biakna ka Record-te ka ngaithla a…a chang leh nangma che vel Video-a ka lo lakte ka en let mai mai thin a..lunglen an hnem ve thin a, mah se an hnem tak tak zo si lo…
Ka hmangaih thiam tawk lo nge mawni le? ti ten achang chuan ka in zawt thin…a chhan chu hetianga midang ama nawmsakna tur min pansan duhna rilru pu thei chu???…amah zawk hian “I hmangaihna hi hmangaihna hmasial” min tih sak thin a, ka rilru a na thei khawp mai..ka hmangaihna hian hma asial awm ka hre si lov, amah neih ka duh thu leh beiseina beidawn thlak tak ka la neih ve trawk2 thute ka hrilh thin a…mahse, kawng ro a su vak thei thin si lo…ava hahthlak em kan khawvel hi..a nu min duh loh chhan hi keima thiam loh chu a ni ve thei tho awm e, ka bial nu hlui an veng ami kha alo fuh teh chiam lo aniang chu, khatiang Ex tawh hnu(keimah tihna a nih chu) kha chu afanu bialpa atan emaw pasal atan emaw a it pui lo a ni ve mai, thiamloh theih pawh a ni bik lo..…a pakhat leh dang a nu min duh loh chhan hi chu ka thiam loh pawh a ni bik lo..mahse ka rilru chu a ti na ve khawp mai, chhungkaw lam thil a ni ber e..hei chu ka thiamloh a awm ka hre lo..
Sawi theih leh tih theih vak pawh ka nei lo..ka hmangaihi hi ahlim ka duh pui a, hlim taka a awm chuan lawmpui kha ka tih theih tawk a ni tawh mai..keichuan a nu ten min duh hun hi hunin ala rawn her chhuak ve hian ka ring tlat a, mahse, hetianga kan awm hi chuan chutiang hun chu a tlai tawh ka ring bawk si a..a engapawh chu nise Pathian kutah engkim kawl tir vek mai a…he hla “Please Remember Me” tih hian ka thawnthu kan ti tawp ange..

Beauty Tips

Hmai Duk Damdawi
Bawihpuii
Bawihpuii Beauty Concept
Din Din Plaza

Hmai duk lo awm theihna chhan hi kawng hrang hrang in a sawi theih a, tlangpui lo tarlang ila. A bik takin Lawngtlai leh a chhehvel a chengte tan tun \um chu thlurbing deuh ila a \ha awm e.
Hmai duk hi arng>ng tin a sawr leh kheuh a\ang te, khawih nasat lutuk te, pum lam leh chhNimahsela, siamtu Pathian in min duang ang a awm lo, a nih tur ang anih loh avanga beidawng ngawt mai lovin a enkawl dan a awm a ni tih hria a, beidawng mai lovin kan hmai duk te pawh hi uluk leh ngau taka kan enkawl chuan a reh thei a ni tih kan hriat erawh a \ha hle thung ang. Kan in enkawlnaah hian vawilehkhatah a reh ngawt thei lo tih hriat a \ha a. Hun rei erawh a duh avangin dawhtheihna kan neih pah a ngai hle dawn awm e.
A enkawl dan : Tun laiin damdawi tam tak chak tak vawi lehkhata reh nghalh vekna ang chi te pawh a tam tawh mai a. Mahni vun mil loh zawng pawh sawi lova, lo hman ngawt te pawh hi a chi lohin a \ha lo hle a ni. A chhan chu damdawi chak lutuk reng reng chuan side effect a nei vek a. A enkawl dam leh nan kum tam tak a ngai \hin a ni. Hei avang hian kan damdawi hman lai ah vawilehkhata reh nghal dawn lo tih hria a, dawhtheihna nen kan inenkawl tur a ni ang.
Kum 20 chin chunglam tan chan SPF hi hman ngei ngei tur a ni. SPF san lam chu vun a zirin thlan mai tur a ni a, kum 18 hnuailam tan chuan SPF 15 aia sanglo hman tur a ni. Mi \henkhat chuan mahni vun pawh ngaihtuah lem lo in SPF sang tak tak an hman \hin avangin an enkawlna kawngah an beidawng leh mai \hin a ni. Chuvang in kan vun in a ngaih tur ang zawng kan hre lo anih chuan a hriat te zawh mai hi a \ha a, chu chuan nasa takin kan inenkawl naah damna min pe thei dawn a ni.
Tin, zan mut dawn apiangin hmai phihfaia ha nawh \hin tur a ni a. Zingah engmah ai hmain tui a tam theih ang ber in a, tui in a\anga darkar khat chhung chu engmah ei loh tur a ni. Nisa a kal dawn kher loh pawhin zing hmai phih zawh vel a\angin Sun Block kan neih ang hman nghalh ngei tur a ni.
Kum 18 hnuailam tan leh bawl avanga ser duk nei hrim hrim te tan chuan Astrintgengt telna lamchi hi nikhatah vawi-3 aia tlemlo hr (Hmai duk nei mite’n tuna kan sawi ang hian kan inenkawl phawt ila, chuta a reh thei lo leh harsatna kan nei a nih chuan Bawihpuii Beauty Concept ah engtik lai pawhin in harsatna sukiang turin an inpeh reng a ni. Ed)

Motor Accident Zangna dawnna

MOTOR ACCIDENT-A ZANGNADAWMNA
- S.T.Ramhmachhuanmawia
Kan ram kawngte hi a that tawk loh avangin lirthei chetsualna a tam hle mai a. Mahse heng lirthei chetsualna lakah hian zangnadawmna engemawzat a dil ve theih a; chu chu tun tumah hian sawi kan tum dawn a ni.
Lirthei chetsualna laka zangnadawmna dil tur chuan insurance policy a pawimawh ber a. insurance awmzia chu hriatlawk loh thil thleng rup (unforeseen events) tawh palha zangnadawmna dawn theihna tura pawisa company ah emaw bank-ah emaw lo dah lawk tihna a ni ber ang chu. Insurance hi chi hrang hrang a awm a- heng life insurance, motor insurance, health insurance, fire insurance leh theft insurance leh a dang tam tak a la awm bawk. Mizoram-ah chuan motor insurance hi a lar ber a ni a, tun hnaiah Mizoram sorkar chuan Health Insurance Scheme thar a duang chhuak a, hei pawh hi chhawr tangkai theuh tum ila. Tun tuma kan sawi tum ber zawk erawh chu motor insurance hi a ni.
India rama litheite tlan dan tur leh an enkawlna dan bu The Motor vehicles Act chuan eng lirthei pawh insurance policy a neih loh chuan khawi hmunah pawh tlan a khap tlat a, man an nih chuan na taka hrem theih an ni. A chhan chu lirthei te hi khawl hmanga thunun an ni a, tawhsual leh chhiatna eng eng emaw tawk thut thei reng an ni, chutah chuan mihring nun hlu tak pawh chan theih reng a nih avangin chung thil tawn palh pawha a tuartuin zangnadawmna a phu tawk a hmuh theihna'n motor reng reng insure ngei ngei tur tih a ni. Mi tam takin insurance hi kan ngaihthah a, sum sen thlawnna maiah kan ngai a, hei hi thil dik lo a ni. Tin, mi tam tak insurance nei lo motor ah kan chuang a, chetsual kan tawh palhin zangnadawmna kan dil thei thin lo. Chuvang chuan motor neituin a tih tur hmasa ber chu a motor thar insure a ni.
Mizoramah insurance company tam tak an awm ve ta. Rin tlak tam tak an awm laiin zangnadawmna pe duh hauh lo rin tlak loh an awm bawk. Mipuite kan fin thiam a insurance company pawh kan thlan thiam a pawimawh hle. Motor thar kan leiin kan leina company ten an thlunzawmpui insurance company ah insurance min tih tir nghal tlangpui thin a, heng te hi uluk taka ngaihtuah a kan duhlona hmun a nih chuan hmun dang ah ka insure zawk mai ang e han tih te hi a finthlak hle. Tin, insurance kan tihin a man tlawm tlawm thlan kher loh tur. Insurance company te hian policy/premium/package hrang hrang an nei a, kan motor a zirin policy thlan tur ani; kan motor chu passenger phur, bungraw phur, private etc a ni a, tawhsual lo tawk palh ta se passenger/bungraw neitu etc ten zangnadawmna an tel thei ang em tih te ngunthluk taka ngaihtuahin policy thlan thin tur a ni.
Awle, motor chu insure a lo nih takah chuan accident pawh tawk palh se, insurance company hnen tangin zangnadawmna (compensation) a hmuh theih a. Mahse, insurance company te hi sumdawng an nih avangin compensation pek an hreh hle tih hriat tur a ni. Motor document zawng zawng a fel vek tur a ni a, a khalh tuin driving licence dik tak a nei tur a ni a, tin, a chetsual chhan kha motor khawl chian kuan loh vang emaw vanduai vang liau liau emaw vang te an ni tur a ni. Driver ruih vanga chetsualna te hi insurance policy te hian an huam lo tlangpui. Ti chuan, chetsual tawh chuan motor chhia siam thatna senso te kha company lamah dil leh theih a ni.
Mizoram ah hian lirthei chetsual avanga zangnadawmna dilna tur tribunal a awm a, chu chu Motor Accident Claims Tribunal (MACT) tih a ni a, Aizawlah a awm. Hetah hian accident avanga thi leh inhliam leh bungraw chhia ten zangnadawmna an dil thei a, mahse he Tribunal hi Civil Court anga a kal avangin Ukil rawih a ngai a ni. Accident tawh reng rengin a motor neitu chuan Insurance Company-ah direct in zangnadawmna a dil anga, inhliam, thi chhungte leh bungraw chhiate chuan MACT ah an dil thung ang. Inhliam chuan a ma hmingin a dil thei a, thihna anih erawh chuan a chhung ten Heirship Certificate lain an dil a ngai thung. MACT-a zangnadawmna dil tur chuan a hnuai ami te hi thil tel a ngai:-
1. Insurance Certificate
2. Medical certificate leh medical expenses/cash memo etc (inhliam tan)
3. Death Certificate leh Post Mortem report (thi tan)
4. Income Certificate
5. Police Report
6. MVI Report
7. Driving licence
8. Registration Certificate/Fitness Certificate
9. Birth Certificate
10. Passport Size Photo.
Heng bakah hian court fee stamp Rs 100/- man bel tel a ngai bawk a, a tul chuan a chunga kan sawi document te khi a dik ngei a ni tih sawi chiang turin lehkha pe chhuak tu theuh te thu zawt fiah turin Court in a ko thin bawk. Tichuan Court/Tribunal in zangnadawmna pekna tur chhan tha tawk awma a hriat chuan a diltu kum leh hnathawh te leh a inhliam dante uluk taka a zir hnuah Dan angin zangnadawmna a pe thin a ni.

Ngawlvei Vrs Kumpuan

NGAWLVEI
Vrs
YLA KUMPUAN
-Hmingthup
Kan ramah hian Tlawmngai pawl tam tak a ding mek a, chung zingah chuan Young Lai Association hi pawl lianber leh thil tithei ber ani awm e. Tin, mipui paw’n kan thlamuanpui in an hnathawhte a chhuanawm em em a. He pawl hian din chhan tha tak a nei bawk a. Ram hmasawnna tur te leh Chhawmdawl ngai chhawmdawl te etc. a ngai pawimawh em em \hin a,sorkar pawhin a dah pawimawh a, thil lawmawm tak a ni.
An hmalak pawimawh tak zingah pakhat chu ‘Ruihtheih thil do’ hi a ni kan ti thei ang. Kan ram \halaite Ruihhlo in a ti chhe mek a, a pawimawh em avangin YLA Kumpuanah pawh vawi tam tak hma a ni a, chumi buaipuitu bik Kumpuan Sub-Committee te hial a lo din ta a ni. Thil \ha tak pawh a ni a, thawktute an inpekna a chhuanawm em em a, kei phei chuan full time a thawk emaw ka lo ti a, mahse Office hnathawh deuhvek an lo ni hlawm a mak ka ti kher mai.
Amaherawhchu an thiltum a \hat em lai hian tute emaw pawl hming ti chhe zawnga che an awm fo \hinna hian pawl hmai a ti bal \hin a, fimkhur tlan ava \ha em. Engemaw hlek a kut thawh duh mai zel hi an tam ve mai a. Mi chhungkua rilru na ngawih ngawih a an siam hi a tam ta mai. |henkhat te chu an kut a ruihhlo man mumal awm lo pawh in nasa taka sawisa in, khumbet a ni tam kuah te pawh an awm \hin laiin \henkhat man awm awm ngawih ngawih man ngamloh an nei \hin erawh chu pawi em em in ka hria. Hausa leh rethei kar tizautu kan ni thei. Hei hi ka hriatchian a vang a sawi ka ni.
|hnekhat an hnawtchhuak a mualpho tak a an siam laiin \henkhat ve thung chu ni hnihkhat riakchhuakin atukah an lut leh mai a, min thlamuantu tur hian mi tam tak an tithlabar in, rilru na ngawih ngawih in an siam fo \hin hi chu a pawi ka ti.
YLA hotu te zingah hian fel leh \ha erawh an awm ve tho mai. Tuna ka thil ziah pawh hi a ziaktu hriat an chak ngawih ngawih te pawh an awm ta ve ang. He pawh hi ka sawichhe hrim hrim a ni lova, kan tih dik loh laite in en let nachang hriat a thinrim mai lova, ngun taka ngaihtuah chung a,siam\hat ngai lai siam \hat nachang hriat hi thil finthlak leh sawisel dawl rilru zau nihna a ni a,tute pawh hian kan \hahnem ngaihna avangin kawng dik lo kan zawh thei \heuh a, kan kal zelna turah fimkhur zawk nan kan hman thih hlauh chuan ava lawmawm dawn em! Rui leh rui in man te hi thil tih chi lo ber a ni awm e.
Ngawlveite thlavang ka hauh pawh a ang thei viau mai, mahse a ni kher lova,mitinte hian Dikna chanvo Right kan nei \heuh a, in zahsak tawn tur kan ni. Tin, heng ho\e hi an Nu leh pa te paw’n an vuak sim theih tawh loh,sal tang laklawh chhuah duh ve ngawih ngawihte Lal Isuan a hmangaihte an ni ve thova, an khawngaihthlak tak zet a,\anpuitu an mamawh tak meuh meuh a ni.
Zu zuar \henkhatte hi chuan Hruaitu te hnen a\ang hian an lo Check hun tur an hre lawh theih \hin tlat mai te hi a mak ngawt mai, khawtlang \hatna tur a hmalakna a kawk lova tute emaw diriam duhna leh ngam zawngte chunga hleilenna te pawh a ang thei tlat a ni. Engtin emaw han ti let sela an thiam emaw thiam lo emaw lam a ni thei tawh lova. YLA kan ni a lawm tunge min khing ngam chuang tih thawkin kan thaw a, khawi vengah awh YLA hruaitute hi chu tunhma a kan hriat chin dawizep ve tak tak te kha tunah chuan an vawk Lal len a khin ngam an ni tawh miah lo, YLA khing kan ni mai.
Rintlak takin min hrilh chu maw, veng pakahtah chuan mi pahnih in laina hnai tak hi an awm a, an chhungkaw dinhmun chu sawi loh zawk a \ha a nge mi awm thei tawk tak an ni. He khua a damdawi ti zingah chuan a senior pawl a ni tawh in ka ring. Ualautakin an ak anilengin an vak a, a changin an vawrh a, YLA tih vel hi chu an hlau lo khawp mai, a chhan chu an check in anman ve ngai tlat lo,enge a chhan? An tih puite ngei nen an man pawhin an ni chu koh leh sawisak an ni ve ngai lo, a midang zawk kha chuan tuar nasa tak an ni. Heng ho pawh hi an tuar ve ngei ngei tur tuar ve lova an fihlim \hin sawi tur a awm, a sawi nual. CYLA Office saw an hmanna ber ni a lang chu, hruaitute nunchang zirna a ni ta ber a ni. Kan LALPAN engtin tak ngai ang maw?
Pa paphat chuan ‘Mahni laichinte kan hmangaih ve em emte damdawi mun khat pawh man sak si lvoa,thla khat deuh thaw kuah ngai a an sawisa han hmuh hi chuan rilru a va na thei \hin em’ ! an sual miau a kan \an ngam si lo, tih thu a sawi a, rilru a khawih khawp mai. Heng ho hi Vuak a sim chi chu nise an simdaih tawh ang. In vuak sim chi niin a lang lo a, amaherawhchu vuak awm ngawih ngawih hi chu an awm ve a ni,tih erawh hriat ani.
Ngawlvei an man pakhat chuan ti hian a sawi a,’Ka proxivon tlem min man sak a, an Office ah min hruai a,thu min zawt a. Ka neih tawh lo ka tih leh i la nei sawi rawh an ti a, eng chhanna mah hian an kut za hi min pumpelh tir ngai lo hrim hrim” a ti a ni. Kan Thupui pakaht ‘Kristian Nun dan mawi chawisan’ nen hi chuan a inhmeh mawlh lo a ni. Hruaitute hi memberte hian Kristian nun dan mawi chawisangtu hmuhin min hmu ang em? Ngawlvei chhanchhuah mamawh ngawih ngawihte hi chuan Sakei hliam hmuhin min hmu mai lovang maw? Tlawmngaih vang nge phur vang hrim hrim tih leh an mahni hmangaih a simtir duh hrim hrim vang hi chu a dang daih in ka ngai ve tlat.
Kan lo kal tawh dan te thlir let chungin, kan lo tihtawh \hinte hi PATHIAN hmingin bansan ngam ang ila, a kaikuang tak lo tawllut \hin tute hi man chhuah tum ila, a lo lut tur lam ngaihven tawk si lova, a ti \hinte tlem te te man sak a kut thlak ringawt hi kan tih theih chhun a nih chhung chuan,he hmalakna hi a hlawhtling ngai lovang.
Pawl ang a Ruihhlo do kawngah hian kan huaisen viau a ni mai thei,a tluk thova pawimawh Eirukna te hi kan do ngam ang em. Kum puanah te hian kan nei ngam ang em? CYLA hruaitu tam tak hi Sorkar mi an ni a, an Pu te eiruk te hi an do ngam ang em? Tin,hruaitute ngei nei pawh hi he thil ah hian ka fihlim ti thei kan awm ang em le? Ruihhlo do hi chu YLA hian Kumpuanah neih kher a ngai in ka hre lo a, kan do dawn tho tho, “Eirukna do hi a hun ve tawh viau lo maw?
Zirna a hnufual bik kan ni te hi a chhan kan hre vek a. Hlawh duhtho si,mahni thawhna hmuna kal ngai mang lo te, a bik takin lehkhathiam tih kan hriat chian, an zirna pawh hriat loh mahse Certificate sang tak lo nei ve tlat si te, Politician vua leh vang nih vanga hna a lak, hamn tlak hlawh si loh te hi kan va tam ta em! Ram hmangaihtute thil tih chu a ni lawi si a. Politician kan hriat dan te hi ava mak ta em! an ni chauh hi tisualtu an ni lo,Lai mipuite hian a thim avar thlu lo hian thil dikti thei lo hian kan nawr ve bawk a ni. Belhchian dawl reng hi kan lo awm lo anih ber hi. Pastor leh Kohhran Upa LADC Office a an han kal zut mai \hin te hi thilmawi tak chu a ni lo maw le. BCM Pastor te leh LIKBK Pastorte hausak dan khaikhin hian he Kohhran nih hi ka zak fo \hin.
Mi \henkhat \anpui ngai ngawih ngawih sorkar hna chu sawi loh, pawisa dere pawh sorkar a\anga dawng lo an awm lai hian, chhungkaw \henkhat chu a bo abang awm lova LADC a han thawkte an awm nia maw le! chu pawh a la ni mai lo an Mo te leh an vua leh vangte thleng a in thunlut te an la awm leh zel te hi,zah nachang hre tan chuan zah ngawih ngawih na tham chu a ni maw le., mahse thil mak deuh chu maw, an zak miah lo hi a ni. Chhungkaw khat a\anga pahnih thum thawk phei hi chu sawi tur an tam mai. Behchhan nei \ha te hi chuan, kan sorkar sum hi an huilut hiau hiaumai a nih hi maw,belhtur nei ve lote erawh hi chukan bet tlawk tlawk thung a,kan chan tawk chu Ram hmangaihtu ten an Motor nalh tak tak a tuihawk min chilper te hi a ni mai awm e. Khawvel hi chu a va fair lo tak em.
Sumdawng \henkhatte hna dang daih thawk a kan ngaih \henkhatte hi LADC a thawk/hlawhla te an awm an tih \hinte hi dawt a ni lo ni lova, an Puten action han la ngawt dawn se, an sia thil tithei an nei tlat. Heng ang hi chu hmun dangah chuan an vang ngawt in ka ring. Sorkar danglam tak kan nei a ni.
Hmun dangah chuan an media te hi an huaisen in,sorkar pawhin an venthawn leh hlauh ber anni \hin, keini ramah ve thung chuan Kan hruaitute hian sorkar pawisawi an hlau ngawih ngawih a. |um khat chu Chanchinbu pakhat in an duhloh zawng a lo tarlang zeuh mai. Sorkar hotute thinrimin an ko a, eng tin nge an invau chu kan hre lo na in, a tuk maiah chuan chu Editor chuan ngaihdam dilna a tawn chhuah leh mai a ni. Mahse, ka thiam lo lem lo, a chhuahdan kha a dik bik tlat lo a ni. Chutiang vel chu kan nih dan chu a ni.
‘All is fair in Love ang War’ an lo ti \hin a. Chuvangin he kan Ruihhlo Do kawngah leh ngawlveite kan ‘Hmangaih’ kawngah pawh hian in vuakhlum hial pawh a lo thleng tawh a, thiang lo hi a awm lo a ni awm e. Kan Lalpan engtin ngai ang maw?
Ka ngaihtuah ve mai mai a, ruihhlo in nge kan ram tichhia a Eirukna in? tih te mahse,’Eiruk Do Kum’ hi chu YLA hian kumpuanah chuan kan puang hauh lovang le, kan ngam tawk chu a lang a Middle class leh hnuailam man a vuak zawt zawt te.
A tawp nan chuan Ruihhlo do hhi \ha ka ti lo a ni lo Kumpuan a hman kher hi a ngai em? kan tihtur thi a ni lawmni, thildang do kum a puan hi a hun ve tawh lo maw, kan ngam anih chuan..

Mangtha Mangtha

Mangtha Mangtha !!! ( rilru vakvel)
Ka tukkhat zing tho chu eng hian nge maw min mawlh tehreng ni perh thiam uk si lo hian perhkhuang chu ka han kuah ve chawt ringot a, chiang mang hlei lo hian rilru a awm hmasa ber fam Lalzoa ro hlu ‘mangtha mangtha ‘ tih chu ka han thluk veng2 mai a. Hringmi nun piah ram lam ah chuan mute thla hawhin ka leng ta veng veng mai.
Kum tam a liam ta , tlai a ni a, ni pawh kawlkilah a in hnuk liam ve mek bawk a. Mitin mai chuan khuain a thim hnan ang tih hlauin an hna tul chu an ti sap sap hlawm a. Thing seng khawm mawlh mawlh te, ar lawi a in um kawi zuar2 te , losul haw lam kawtchhuaha lo kawi nguah2 mai te , naupang rual nu leh pa te feh hawng an thil hawn changa lo dak iak2 mai te chu hmuh leh hriat hmaih chi rual a ni lo. Ralkhat bawng bu ul2 mai leh a kai tu ri rawk2 te chu mipangngai tan chuan hun inthlak mek hril tu a ni reng a.
Mahse chutiang buai leh ri nuaih2 karah chuan Lalzoa chuan engmah tih zai reng a rel thei si lo, mahni a awm ang main che miah loin kawlkil ni liam tur eng tawk2 chu a thlir veng2 mai a. A ‘tun hun’ nun chuan thu a sawi hlawl lo, biak tur a awm lo a- biak theih lah a ni hek lo. A nun a ro hlu ber mai leh a hmangaihna hmasa a lo hlanna chuan hnawlin changdang a kan san ta si a. Ni, a bul vel nun chuan atan awmzia a nei reng nang, a nun a hloh tawh a , mi ang pangngai a nihna chuan chumi ni la la chuan pialral a kaisan ta si a le. Hmangaihna hrui hrual suih natzia chu atakin a tawng tan a, a kual khung tawh tan lah in phelh dul leh a harsat zia chu a hre tan dawn chauh a ni.
‘Aw kan nunhlui hmanlai thlirin
Suihlunglen kimten a tho
lungkham chhailai di zun chham lo
saisena chhun chawiin’
Chulai tlangah chuan tudang ngai loin tlai khua an lo var za thin kha a ni a, thlasik thliin phul a chem kur dial2 karah chuan an taksa vawt tur chu an lo inkhawr lum sak tak thin kha a ni a. Chungleng sava te nen zai vawr hoin, an tan chuan an khua a an nitin nun chu hlimna hlir mai niin, zing ni chhuak chu nghakhlel takin an thawhpui a, zantai rek chu khamlo takin an thlah liam nitin thin kha a ni reng a. Chu khua bak an tan hmundang thlakhlelh tur chuang a awmlo - vanram tlafual an sawi fo thin hi sawifiah tum ila hmundang pan a ngai lo an pahnih nun chu kawtin 'saw saw a ni mai lei pialral, damlai vanram chu' ti ila tuman hnialkhan an nei thei lo ang. Ramtuk thla te chu Lalzoa tan chuan hah thla a ni ve lemlo a, nilengin ram tuanin hna hram thawk mahse zan a ni anga a 'zanlalnu' a 'varparh arsi' eng hnuaiah chuan a hun a hmangral leh dawn tih hriatna chuan a hreawm zawng2 pawh chu a chilh bosak fo thin. Feh in lawm hun te mawlh mai chu a ni an nghahhlelh a, an in hmakhua nasat thin ni. Nilengin hun an nei dun anga, zanah an inrim chhunzawm leh zat bawk anga, nia an tan chuan chu tluk chu a awm reng nang - an duh leh sam ber chu awm dun nilen kha ni miau hek. Khuangchawi thla lo thlengin an khaw pum an chai te, khuangchawi an awm ni khuaa, an chheih zan tak te hian nuam an ti fal thin. Favang awllen thlahlei ngazan te hian an nunah awmzia a nei thuk bik emaw tih tur hian an lawm zual bik thin a, an nun pangpar chu a vullai rei bik emaw tih turin rimtui a chhuah rei bik thin hle a ni.
‘kumsul lam ang her se, sakhmel tha sen siar kan tawn, thinlai ah di zu n a lo chham a
lunglen kan kiu vawng2’
Mahse hringnun hi zawng vul reng tur leh par reng tur a duan ni hek lo le. Rin loh leh beisei loh atangin kohna dang an dawng ta tlat mai si a, chu pangpar huan ah chuan rose par sen pahnih chauh a par reng thei bik si lo a, a dang lo tiak veiin a par var chi te an lo kuh mum ve tan ta reng mai a. Aw theih niseng Lalzoa chuan huanpu chu pangpar dang lo tiak tur chu lo hloh fai tir zel mai tur. 'hmana ka rosepar phun kha ka chawm thin zingtuifimin ...' aw he hla te hi lo piang hman seng chuan a hla duh berah a chang mai awm si a- '... a par vul lai tak khan e chhingkual valin min thliahsak ka tuar thiam lo' .Nia tawrh thiam hi a har hle reng zawng a ni e.Ni, Lalzoa tan chuan khawhar lungleng a kiu vawng2 mai loh chu tih theih a awm ta si lo. Hringnun zet hi zawngin mihring hi a sawisa retheiin a va vaw na thei ngai em !!
Kum tam a liam hnu meuh pawn a tan chuan han hlimna tur chhan he lei hian a rah chhuah sak meuh lo. A lunglen thu hril bak chu a ni tan chuan sawi tur a awm lo, a ni han sel em2 tur pawh a awm chhuang lem lo. Mahse nun pangngai chu a tan beisei theih a ni tawh lo. Kumsul eng emaw zah pawh vei mahse a nunkhawdang a hrin chhuahsak chuang lo a. A tawp a 'lunglen kan kiu vawng2' tih mutpui bak chu a her chhuahpui mawlh si lo. A tan hmangaihna hruihrual chu a lian bik a, a hrui a thui zual bik a, a hlin a chhip zual mawlh bik a ni. Hmangaihna chu hmangaihna vek lo chhuan chhan letna dang a awm lo, kawngtum lak tur a awmlo a, pehhel lah a awm hek lo. Hling leh hriam chu zuan khum theih a ni lo tawn tlang a ngai tlat a ni. A chang chuan hriatreng theihna tura khuanuin kan rilru a lo duan te hi a thinrim phah urh thin. A hma te kha chuan, engnge maw vang a vangkhua pelh ngaih chang awm thin te khan an lunglen viau thin mahse thinlai a di zun chham avangin hlimin hun leh nite kha an chhiar theih phah thin kha a nia, mahse tunah zawng chu ‘zun chham’ chu rilru tina thar tu leh trah khua ti sei mai tu an ni ta si a leh.
‘chhakkawl rawn turni lo eng se
tawn loh nan tuannna a dang
awmkhaw har di ngai ka tham vel a
tuan zai ka rel thei lo'.
Hringmi ramah la awm tlat hek harsa ti em em thinin zan mut zai te han rel ve bawk thin mahse a tan chuan kawlkil vartian lo in phan chhuak te chu lungti leng zualtu a ni zel mai si .Muttui theih a ni lo, muttui zia reng a ni mawlh lo ve. Kan dem lul dawn em ni ang, hmangaihna hmasa chu kan nuihzat thei dawn em ni?...Hmai a han phih a, rap chung ar te pawh thawh khalh vekin kawl a ni zam in phan eng tan diar2 chu thlir ngawih2 in, biangah mittui thianghlim chu a far keuh2 a, a ni a nileng hun hman dan tur a thlir thiam lawk vek bawk si.Beiseina tur a nei lo a beisei bo chauh mai chu a beisei chhun a ni miau mai si a leh. Hun dang nidang ang te zawng niseng tukthuan pawh bar tha hman hleithei loin a phur thin leh tur kha a nia leh. A tan chuan hun awm hi a hmelma lian ber nihna chan chang te pawh a awl lo ta mai. Khuanu remruat te hi pawmthiam chi mawlh a ni lo...kumtluan daih lo tur hmangaihna lipui a luh tir tu hian dem a phu in ti ve mawlh lo maw !!!.
'tlai khaw a lo ngui a
hellai di run kan kai a
zankhua tlai se samang thennan e
mangtha mi lo ti e'
Nya a har reng a ni. Maltlat nun hreawm zia a hrechiang tu apiangin an sawi tawp thei lo a. Tlangval ta fam mahni run lumah a lungpui hun ngawt theih reng bik si loh a, nula rim a thiante bar rual a ban te lo ngai ve thin chang a awm lo thei lo a. Chutia phei a han khai ve chang pawh chuan a mawng a nghet thei meuh lo. Taksa chuan inchhung mawi mahse rilru erawh chuan khawdang a thlir lo thei lo. Mahniin kilkhatah thiante nula chhaih vel chu a lo en tlawk2 a, chutiang a hlim tak a a fiam ve thin lai te chauh lo chuan a ngaihtuahna a fan thei meuh lo. Lenghnawt ar te khuang hma a tih thin nen tunah zet zawng a nghahhlelh ber a nit a fo mai. Aw khawvel hi chu a lo va bungbu nasa thei thin em.
‘aw le mangtha en chhim loh di
vankhua a zau kar a hla
tawnmangah tawh leh ni her sela
thutin i hril dun ang.’
A ni atan chuan engnge sawi leh chuan tur awm taw hang. Hmangaihna beidawngin a velh tawh tan mitttui hulna tur reng a mawi tur he khawvel hian a la hmuchhuah mauh si lo a leh.Duhthusam ram a chen a, duhthusam a in hnem hnan mail loh chu !!!... dem thei kan ni lo,, aw kan dem mawlh lo che. Lunglen vanga fam Lianchhiari meuh pawh hian ‘aw ka unau’ a tih vawng2 che a ni kan rin ni. An tan khaw eng a tawi lua a ni e. He khawvel lo zau lutuk te hi kan hmuh mawh mai dawn a mi. Nia, tawngmangah tal chuan hmangaih kal ta te kha hmuh leh a mawi thin. A tak ram chu ‘tawn loh sa bawp’ chang tawh mahse kan rauthla tal a han fan leh a chakawm thin. “Zanin ka tawnmang chu e’ tia duat taka a hmuhthu a hrilh lai te kha a mitthla ah chuan a cham reng a, mahse tunah chuan han sawi chhuahna tur beng kawl an awm tawh si lo. Hlim taka a hrilh zawh a, nui ri her2 in ‘ tak2 maw’ a tih te kha boruakah a thamral zo ta. Tunah chuan a tak beisei chu sawi loh a lum , tawnmang lamah tal pawh tawn leh ni her chhuak thei se tiin hmalam a thlir ta vawn2 zawk si a maw…
‘aw chhawrthla eng hnuaiah
mahten duhthu ka sam a
luahloh tur di mahnila parte
ngaihlai ka bang lawng che’
A vawrtawp kan thleng ta. Beisei bo beisei thin hringnun hian harh chhuah reng a phal lo a ni. Lalzoa meuh pawn hei hi a nunah a hmu chiang khawp mai. Chutia tlainin tla a thlir zuih rial2 lai te chuan eng thu dang mah a ngaihtuah thei lo. Atan chuan chu chungturni thlak tur a chhawrthlapui lo eng tur chu tawrh a har leh dawn tih zawng mai loh chu. A ni, chumi eng hnuai-ah ngei chuan a ni kum kha chen duhthu a lo sam a, ngaihtuahna ram lama a lo chen fo thin ni. Koh kir theih tawh loh koh kir tum a a lo kir nasat thin zia te chu han dawn kir thin mahse a beiseina chu a ti thlawn duh bik chuang lo. Mahse hmangaihna dik ziarang chu a ropui zia he kan Lalzoa nunah hian chiang takin a lo par chhuak a, a par mawi chu keini a hla lo ngaithla thin te tan hian chaw duhawmah a lo chang ta thin a ni. Luahloh tur a ni tih a hriat reng tawh mahse a hmangaihna dai lo tur chu hrereng chungin duhsakna leh hlimna a hlan a bang chuang lo. Awle mangtha mai le, I duhthu ang ngei chuan he lei hi chen la, I hlimna chu umin he lei dam chhung tawi te hi hmang ang che. I kalsan tak rilru ruak hi chu lo hrevereng thin lo mahla , mahte a runhmun I nghah changing leh nitin nun buaina laka I hahchawlh chang apianga I nunhlui te I ngaihtuah chhuah ve chang tal chuan I hnuchhawn ram hi chu I lo hrereng ve thin dawn nia. A ni I tan ka nung thin a, I tan hian leipiah lam ram chu ka la pan ve ngei dawn a ni tih tal hi chu I min lo hriatsak ve thin dawn nia.



Duhtak ‘mangtha mangtha’.

MURA in MDC Bial 5 ah

MDC Bial nga (5) ah MURA in Congres Candidate chuh tum

Kumin October thla a Lai Autonomous District Council rorelna sang bera \hu tur mipuite aiawhtu tur inthlanna kan hma chhawn mekah Political Party hrang hrangten ticket pek tur an buai mek laiin Mizoram a NGO pawl pakhat mahse, political party a inhnamhnawih tlat Mizoram tana pawha ke lo pen chhuaka an \hatlai hun ram tana hun lo pe tawh Mizoram Underground Association Lawngtlai District te chuan thawhhona thuthlung an lo ziak pui tawh Mizoram Pradesh Congress Committee a\angin Congress Candidate bial nga (5) ah chuh an tum thu an puang fel ta der mai.
Lawngtlai District MURA hi Mizoram ah chuan Branch nei ngah ber leh member ngah ber District an ni a. Tunah hian Branch 38 an nei a. Kum 2008 a MLA General Election khan MPCC nen hian thawhhona thuthlung an lo ziak fel tawh a ni. Hemi behchhan hian Lawngtlai District MURA te chuan kumin MDC Election lo awm turah hian Congress Candidate chuh an tum tih an puang a. Congress lam pawhin an ken ngei pawh an beisei bawk a ni. Tunah hian Congress lam pawh ticket sawi rik a nih apiang hian beisei an tam hle a, hei hian an party dinhmun a tihchhiat theih dawn avangin an thawhpui te chhiat aia chuan an mahni in ticket hi hmu ta zawk se intihvuina a awm loh an beisei a ni.
Hetiang hian Kum 2008 MLA Election khan thawhhona thuthlung an lo ziak tawh a.
Kan Pathian leh mipui duhsakna changa MPCC ten sawrkarna leh thuneihna an chang a nih chuan heng a hnuaia mi ang hian tanpuina leh duhsakna MURA te tan Special Scheme siam ni se tiin kan signed ve ve a ni tiin MPCC General Secretary C.Chawngkunga leh MURA General Secretary H.Lalnuntluanga ten lawm takin Zoram mipui hriat ah thawhhona an lo ziak tawh a ni. Heng a hnuaia point hrang hrangte hi thawhhona thuthlung an ziah dan chu a ni.
MURA Members-te tanpuina atan bik (Special Scheme) bikah MURA members In leh Lo nei lote tan hmun ngaihtuahsak in In sak \anpuina ngaihtuah sak ni se, MURA members-te leh an fate tan sawrkar hna awl leh muster roll-ah a theih chinah in dahluh nise tih te, tin Mizoram sawkar hnuaia Board hrang hrangah a remchan dan anga MURA a\anga member dah ni se, Kum 2008 General Election ah party mal a Congress a sawrkar ngei theihna tur a tan theihtawp chhuahin MURA te campaign ni se (hei erawh hi chu tih hlawhhtlin a ni tawh a, tunah Congress in Mizoram ah sorkarna an chang mek a ni) MPCC in sawrkarna a siam hnuah pawh, remna leh muanna vawnhim kawngah leh hmasawnna hna chi hrang hrang thawk a, hmalakna kawngah lungrual taka thawhho zel ni se tih te bakah point tawp berah chuan he thuthlung tihlawhtling tur hian sawrkarna siam a nih ve leh a rang thei ang bera hmalak nghal ni se tih te a ni a.He thawhhona thuthlung hi Secretary AICC leh Union Minister ten an hriatpui ngei a nih tih lantirna atan an hming an signed hnan ve bawk a ni.
MURA ten thawhhona thuthlung an ziah a\ang hian MPCC lam hian tunah rih chuan tihhlawhtlin an la nei em em lova, heng te anih avang hian kumin MDC election lo awm tur Congress a\anga Candidate chuh an tumna pawh hi hnawlsak an ni thei bawk a. Hnawlsak nimahse, democracy ram anihna ang takin an pawlin \ha a tih chuan din an tum tho bawk a ni.
MURA ten bial chuh an tumna te chu Lawngtlai-III bial a ni a, he bial ah hian tuna an District Vice President nilai Pu H.Lalrochunga a ni a, L-III bial ah hian Congress a\ang hian Pu Hmun Hre-a te, Pu B.Lalhuma te leh Pu F.Manghnua te hming sawi lan a ni bawk a. Heng zing a\ang hian tu innge ticket hmu ang tih sawi theih a nih loh avangin MURA lam hian lo chang ta ang se, candidate an siam ngam tho ang em..lo thlir phawt teh ang.
MDC bial thar Lawngtlai Council Veng leh Chandmay-II inkawp ah hian Ex.MDC tuna MURA Lawngtlai District a an Treasurer nilai Pu V.Pianglawma chuan chuh a tum bawk a. He bial ah hian Pu C.Lallura, Pu.Manghmunga Chinzah, Pu H.Remmawia, Pu John Collin-a te bakah Pu Thangbuta te hming sawi lan a ni bawk a. Tin, Lawngtlai Council Veng MDC Consituency Demand Committee in MDC bial thar an hmuh chuan tuna CEM hi un-contest tlin tir an lo tum tawh bawk nen bial thar ni si tun dinhmun ah chuan bial buai ber a ni thei mai awm e. Delimitation Committee member pawh ni lo CEM hi un contest a tlin tir theih a ni lo a ni tiin tunah hian committee pawh hian thuthlukna an la siam fel thei tak tak lo a ni.
Lawngtlai College Veng Bial ah pawh MURA hian an General Secretary nilai Pu C.Nibuanga chu Candidate chuh turin an ti a, he bial neitu Pu JB.Rualchhinga hi Paithar bial ah a insawn dawn tih thawm te a awm avangin MURA hian Bial dang zawng aiin beiseina an nei sang a ni. He bial ah hian tute nge candidate tura lam rik an tam hle a, Pu C.Ropianga. Pu Championthanga, Pu H.Chhuanawma te hming a lo lang bawk a, heng mite hian Congress ticket an beisei deuh vek a ni. Pu Hrang\hianga hming chu lang ve \hin mahse, tun dinhmun ah chuan a tum tawh loh thu a sawi lang tawh a. Party dang a\ang hi chuan tuma hming lam rik a awm thei meuh lo e.
Chandmary Bial ah hian Thatvunga MURA pawh ding tura beisei a ni a. Chandmary Bial ah hian Pu C.Samuela, Pu C.Zungchema, Pu Lalsawmliana, Pu Benjamin T.Hnialum te ding tura hriat lar zual deuh te an ni.
Va\huampui bial ah hian Biakngura President MURA Va\huampui chu ding tur tih a ni bawk a. Tin, Bungtlang ‘S’ bial ah pawh hian a \ul anih chuan din kan tum bawk a ni tiin thu chhuah an siam bawk a ni.

Mizoram ah HIV Positive 4721

Khawvel a natan \ihbaiawm leh damna tak tak atana damdawi rintlak pawh an la hmuh chhuah theih loh HIV/Aids natna chuan Zoram Kristian ram min rawn run chho mek zel a. A bik takin \halaite zingah he natna hian bu a rawn khuar chho mek zel niin a lang. He natna hian tumah huat bik leh duhsak bik a nei hauh lova, nawmchenna avangte, fimkhur tawk lohna avangte leh vanduaina avangte pawha kai an ni hlawm a ni. He natna hi Zoramin kan hmelhriatna a rei loh teh lul nen, vawiin ah chuan kan kawtkai ah ngei mai he natna hian nula leh tlangval, nu leh pa, mi hausa leh rethei, kohhran upa leh rawngbawltu pawh thliar lovin min run chho mek zel a, he natna lak a\ang hian engtik ah nge Zoram Kristian ram hi kan fihlim tak ang le..
Engpawh chu nise khawvel natna \ihbaiawm ber ni hiala sawi AIDS hian kan ramah bu a khuar nasa tawlh tawlh a. Heng AIDS natna nei leh HIV Positive tam zawk te hian he natan an kaina chhan ber chu SEX vang a ni. Chuvang chuan sex laka inven a pawimawh tluk zetin inzirtir ngun pawh a pawimawh hle a ni.
Mizoram State AIDS Control Society in data a neih thar ber, Oct 1990 - June 2010 thleng khan thisen test tawh chin hi 112438 an ni a, chu a\ang chuan mi 4,721 in HIV positive kaiin Aids case a lut tawh hi mi 462 an awm tawh bawk a ni., heng zingah hian mipa 99 leh hmeichhia 72 ten nunna an chan tawh a ni.
Kum 1990 Oct - June 2010 thleng khan Sex hman avanga HIV positive te hi mi 2977 niin mipa 1600 leh hmeichhia 1377 an ni a, Damdawi hmang sual (inchiu) te a\ang hian mi 1400 in an kai bawk a, an zinga mi 236 te hi hmeichhia te an ni a, mipa 1164 tihna a nih chu, heng bakah hian hian nu leh pa a\anga kai hi mi eng emaw zat an awm bawk a, mipa 82 leh hmeichhia 91 te an kai a, chhan hriat lo vanduaina avanga kai hi mi 171 an awm a mipa 103 leh hmeichhia 68 an ni.
Tin, he natna \ihbaiawm tak hian kum naupang leh upa a sawi chuang hauh lo mai a, he natna hi natna nunrawng tak pawh a tih theih mai awm e. Kum 14 hnuai HIV kai hi 185 an awm (mipa 86, hmeichhia 99) a, Kum 15-24 ah hian mi 1211 in HIV an kai a (mipa - 671 leh hmeichhia -540), Kum 25-34 inkar hi 1917 an ni ve thung a (mipa-1248 an nih laiin hmeichhia 669) Kum 35-49 inkar hi 1275 ( mipa -848 leh hmeichhia 427) an awm bawk a, Kum 50 chung lamah hian mi 132+1 (+1 kan tihna chhan hi Other ah pakhat a awm vang a ni) (mipa 96 leh hmeihchhia 36). Tichuan HIV positive hi mipa 2949 awmin hmeichhia 1772 an awm ani. Thisen test tawh zawng zawng atanga chhutin HIV positive hi za zelah 4.20 an tling tawh a ni.
Kumin January leh June inkar (thla 6) chhungin Mizoram-ah HIV/AIDS kai leh kai loh mi17,888 te thisen test atangin HIV positive 632 hmuhchhuah an ni a. Thisen test atanga chhutin za zelah 3.45 a ni. Mizoram-a HIV/AIDS kai chhinchhiah tan kum, 1990 October atangin mi 4,721-in HIV positive kaiin, heng zinga 171 an thi tawh.
June thla liam ta khan Mizoram pumah mi 3,277 thisen test a ni a, mi 113 in HIV positive an kai tih hmuhchhuah a ni a, thisen test atanga za zela chhutin 3.45-in HIV positive an kai a ni. He natna kai hmuhchhuah thar zingah hian hmeichhiat mipat atanga kai 76 awmin, heng zinga a tam zawk 41 te chu mipa an ni. May (2010) khan HIV positive kai thar 67 awmin, Sex vanga HIV positive kai hi June thla-ah 9 in an pung.
Mizoram State AIDS Control Society-in a chhinchhiah dan chuan kumin chhunga thisen test result hriat tawhah January thla khan mi 2,000-te thisen test atangin HIV positive 80 hmuhchhuah a ni a, 2010 January leh June inkara thlatin thisen test result khaikhinin a percentage (4%) a la sang ber. Thla liam taah khan he natna kai mipa 70 leh hmeichhia 43 hmuhchhuah thar an ni.
Ruihhlo-a inchiu atanga HIV positive kai hi June thla khan mi 32 an awm bawk a, heng zingah hian hmeichhia 6 telin, May thlaa drugs avanga he natna kai 1 chauh an awm laiin June-ah chuan 5 in an pung a ni. Nu in a faa a kaichhawn avanga HIV positive kai nausen 2 an awm a, mipa ve ve niin, kai chhan hriat loh mipa 2 leh hmeichhia 1 an awm bawk.
Kumin kum chanve kalta chhung khan hmeichhiat mipat atanga HIV positive kai mi 432 hmuhchhuah an ni tawh a, 1990 atangin a pumpuiah 2977 an tling tawh. Ruihhlo-a inchiu atanga kai hi kuminah 174 awmin, nu-in a faa a kai 13, engtia an kai nge hriat loh 13 bawk an awm tawh a ni.
HIV positive atanga AIDS-a lut nghet tawh hi 1990 October atanga May, 2010 thlengin mi 462 awm tawhin, heng zinga 171 (mipa 99 leh hmeichhia 72) an thi tawh a, thla liam taah khan he natna thihpui an awm lo a ni.
Sex avanga natna hlauhawm inkaichhawn theih HIV/Aids chunchang hi chu Mizo mipuiten kan hre chiang viau tawh niin a lang a. Hmeichhia 95% leh Mipa 96% te chuan AIDS natna awmzia leh a inkaichhawn dan pawh an hre khat viau tawh. Hetih ruak hian sex hman a\anga kai theih anih dan leh condom hmanin nasa takin a veng thei tih hria pawh mi 10 zinga 9 zelin hria ang an ni. Amaherawhchu, thingtlang lamah chuan HIV/AIDS te, condom chungchangte hi an la hre tawk lo hle niin a lang a. Hemi ti lang chiangtu em em chu thingtlang pa khawpui a zinte \hin te hi sex hmannah condom hmang lo an tam hle a ni. Tin, communication a la \ha tawk lova, media in a la thleng tawk lo bawk a ni.
Hmasawnna hrang hrangin min chim mek a TV, Computer,internet,mobile phone leh camera te kan nei fur tawh hlawm a. Heng zawng zawng hi \angkai taka hman theih a nih laiin sex lam kawnga \halaite kaihruaitu pawimawh tak a ni reng tih pawh kan hriat a ngai a. Inchhung khur a\anga invennna bul hi \an a \ul takzet a ni.
Mizo mipa te hian pi leh pu hun a\ang tawhin hmeichhe thei (sex hman pui) tam nih inel nan an hmang a, chuti chung chuan nupui atan chuan ‘virgin’ neih an duh leh si \hin a ni. Chu chu hmeichhia te hian kan hriat reng a \ha a, hun lo taka sex hman hi chin loh tur a ni. Kan rama natna hlauhawm tak HIV/ADIS hi sex a\anga kai an tam ber tih kan hriat thar leh zel a \ha a. Tupawh sex hmanna kawngah fimkhur a \ul hle tawh a ni.
Lawngtlai khawpui chhungah ngei pawh tleirawl inzawrh ching hriat tur an awm ta nual mai. Heng mite hian an \hiante neih ang phone changkang deuh neih duh avanga inzuar ta mai an awm ve nual bawk a. Mi \henkhat chuan condom hman an duh rualin hmang duh lo pawh an awm ve bawk a, finkhur erawh a \ul hle a ni. Pre Marital Sex hman loh hi a Kristian a, a tunlai bawk a, a changkang tih inzirtirna hi college, Biak In leh puipunna a sawi hi thil pawimawh tak a ni chho \an ta mek a ni.
Khawvelin a \ha lo zawnga sex chungchang min zirtir reng a nih si chuan engvanginnge Kohhran hi a ngawih reng bik ang le? Zirtirna dik, thianghlim leh \ha, Bible hmang a Sex Education pek hi Kohhran tan tihmakmawh a ni dawn lawm ni.Sex hi tihrem tur a ni lova, Pathianin mihring a siam chhan a nih miau avangin, mahse, sex hluar zel karah hian sex thianghlim zawk leh Pathian thu nena inmil zawka hman dan inzirtir hi thil pawimawh leh tihmakmawh tak a ni tih Kohhran hian hre chho \an sela, chawlhni zing pulpit a\anga an sermon thleng hian sawi \hin sela, a khawlo zawnga sex hman hi a hluar lo sawtin a rinawm a ni.
Kan rama natna hlauhawm tak kan kaina chance awlsam ber chu sex hi a ni tih hriain a hun taka sex hman hi a Pathian thu a nih tih i hre thar zel ang u.

White Ribbon Society

WHITE RIBBON SOCIETY

Tunlai \halaite’n sualna kawng hrang hrangin kan zawh chho mek zel a. |henkhatin damdawi an ti a, zu an in bawk a, rukru na sualte leh sual chi hrang hrangin kan \halaite nun a run chho mek zel a. Kristian ram kan nihna a\ang erawh chuan he sualna zawng zawng hi Pathian thinur na thlengtu an ni vek mai awm e. Heng zinga kan sawi hmai hauh loh chu Pathian pawhin a duh loh em em leh Kristian \halaite tan a tih ve atan a rem lo em em chu a hun lo taka mipat hmeihchhiatna (sex) hman ni a ni. Tin, nupui pasal inneih hnu a mahni kawppuite laka rinawm lova midang hnena sex hman hi Pathian in a huat em em chu a ni. He sual lian takah hian kan \halaite bur an khuar chho mek zel avangin kan rama \halaite zingah veitu an rawn chhuak ta hi kan ram tan he baka Chanhchin \ha lawmawm chu a awm dawn chuang em ni.
Dt 11-13 June 2010 khan Lawngtlai District a KOhhran lian ber LIKBKTP Lawngtlai Town chuan Lawngtlai town Fakna inkhawmpui hlimawm tak neiin he hun a\ang hian \halai mi eng emaw zat in thianghlimna kawng zawh turin thu an tiam a. An thutiam tihnghetna atan Ribbon var chu la in Thianghimna kawng ka zawh dawn a ni tih mi 200 dawnin Ribbon var hi an la a ni.
He inkhawmpui ah hian Pro.Pastor C.Chanchinmawia chu Speaker atan hmangin a ni hian tunlai \halaite nuna a vei em em kan khawtlanga nula leh tlangval, tleirawl leh rawltharte sex-a kan tlan nasat zia chu a rilru-ah a rawn nung thar leh nghal a. A rilru-ah kan rama natna hlauhawm em em rawn langsar tial tial HIV/AIDS hi doin Sorkar leh NGO hrang hrangte hian nasa takin hma la thin mahse kiam lam apan chuang lo; He natna hlauhawm in kaichhawn theihna nasa ber mipat hmei chhiatna kan hmang dik lo hi Isua Krista thianghlimna nun kan neih chauhvin kan hneh thei ang tih rinna nghet tak a lo nei ta a ni.
Tichuan hetiang hian ruahmanna a siam ta a, He Fakna inkhawmpui thupui 'Ka nunin Lalpa a chawimawi e' tih thu chu Ribbon varah nem kaiin, khawmpui tawp zanah thalaite zingah chona (challenge) a siam ta a ni. Chutah chuan. 'hetianga intiam theite chuan Maicham(Pulpit) hmaa ribbon vara 'ka nunin Lalpa a chawimawi e' tih thu in ziak hi in rawn la dawn nia' tiin. Thu intiamna chu hetiang hi a ni.
"Thianghlimna nun min neih tirtu ka chakna Isua Krista rinchhanin, ka nun ka vawng thinghlim ang a, ka kawppui (Nupui / Pasal) tan chauha inserh hrangin, Pathianin kawppui (nupui / pasal) min pek ka neih hma chuan mipat hmeichhiatnaah ka intibawlhhlawh lovang."
He mi zan hian Ribbon zahnih (200) buatsaih a ni a, thalai tam tak rawn pen chhuakin maicham hmaa ribbon chu an rawn la ta a. Ribbon zahnih chuan a daih zo ta lo va, hei hian nasa takin hna a thawk nghal a, lehkha zira Mizoram pawna kal chhuak turte pawhin white ribbon chu ken an duh leh ta zel a, Krista nun thianghlimna tawmpui an duh a ni. Ribbon chang lo tam tak te chuan ribbon an order belh zel a. Amaherawh chu ribbon siam hmasa ber kha a awlsam thei ang bera siam anih avangin tha zawk leh tlo zawk, mawi hnai zawk a siam phawt a, chu mi hnu-ah hmalakna tak tak neih a tul niin a hre ta a ni.
Pathian hnenah hetiang kawnga mi thahnemngai dilin a tawngtai a, tichuan mi thahnemngai tak tak Pathianin a ko chhuak ta a. Kan rama mipat hmeichhiatna (Sex) hluar ta lutuk leh natna hlauhawm AIDS lak atanga kan fihlim theihna kawng tha ber Isua Krista nun thianghlimna tawmpui tura midangte Krista hnena hruai turin White Ribbon Society chu din a lo ni ta a ni.
In hmuhkhawmna hmasa ber: White Ribbon Society din tura hmalakna kal zel ah khawtlanga chhiatna veitu an lo in pe zel a, tichuan he Society hi din tha kan ti tlang tak tak em tih Dt.19.June. 2010 ah sawi ho hmasak a ni a, He in hmuhkhawmna an hian lungrual takin White Ribbon Society din nise tih a lo ni ta a ni.
White Ribbon Siciety chu din a ni ta: In hmuhkhawm vawi hnihna Dt. 26. June. 2010 (Inrinni) tlai lam dar thumah Pawl hruaitu thlanna neiin mumal zawkin White Ribbon Society chu din a lo ni ta a.
He pawl hian din chhan a nei a.
1. Krista thianghlimna tawmpui tura thalaite Krista hnena hruai turin.
2. Kan ram-a mipat hmeichhiatna (sex) hluar lutuk Pathian thu anga do turin.
3. Kan ram ei ral mek tu HIV/AIDS do turin.
Tunah hian \halai mi engemaw zatin he pawl hi an zawm mek zel a, he Movement hi a kal mek zel a, \halai ten thianghlimna kawng an zawh theihna turin hma an la chho mek zel a ni.
Pawl dangte ang bawkin thupui pawh neiin Pathian lehkhabu rinchhanin "Ka nunin Lalpa a chawimawi e" Luka 1:46 an thupui a ni a. Ka nunin Lalpa a chawimawi a ni ti thei \halaite tan chuan le pawl ah hian tel ngei ngei turin an sawm bawk a, \halaite thianghlimna kawng zawh ve turin Pawl leh Kohhran bik pawh awm lova ke pe chhuak \heuh turin tupawh an sawm vek a ni.
Tunah hian hma an la chho mek zel a, Mizoram a zaithiam lar tak tak te pawhi he pawl hi rawn hmelhriat chho \anin tun White Ribbon Society tan tiin khawi hmunah pawh mahni sum sengin rawngbawl turin ke an rawn pen chhuak mek zel a, Betsy Lalrinsangi, Linda Fanai, Michael VL Rema, TBC Zaithanpuia, Rosy K.Remsangpuii te leh midang pawh he pawl zawma \halaite thianghlimna kawng an zawh theihna tura hma la ve tura ke rawn pe chhhuak tur mi tam tak pawh an la awm tih hriat a ni bawk a.
White Ribbon Society hian chak zawka hma a lak theihna turin Sub-Committee peng hrang hrang a din a. The Altar (Prayer Cell), Media Wing, The Psalm (Praise & Worship team) leh The Samaritan te din a ni tawh bawk a. Tunah hian hmalak chhoh mek zel a ni. White Ribbon Society ah hian tupawh Thianghlimna kawng zawh duh a ke pen duh tan a tel theih reng bawk a. A bik takin \halaite tel tura sawm an ni a, kan tunlai khawvel a, kan \halai pui nun kawng \ha lo te chhan chhuak turin sawm kan ni e.
He pawl hian eng Kohhran mah a thliar lova, eng kohhran pawh a pawl a tui leh Thianghlimna kawnga ke pen duhtu te tan chuan a tel theih reng a ni. Pawl a nih angin thutiam \ha tak an nei a, "Thianghlimna nun min neih tirtu ka chakna Isua Krista rin chhanin, ka nun ka vawng thinghlim ang a, ka kawppui (Nupui / Pasal) tan chauha inserh hrangin, Pathianin kawppui (nupui / pasal) min pek ka neih hma chuan mipat hmeichhiatnaah ka intibawlhhlawh lovang." tih hi a ni. Hei hian tunlai a kan \halaite nun a ti lang chiang hle awm e. Chuvangin \halaite ke i pen chhuak \heuh ang u.
He society hi a Headquater atan Lawngtlai hi hman a ni dawn a, tunah hian Office mumal tak an la neih loh avangin tunah hian DA Collection Lawngtlai Bazar pheikhawk dawr hi Information Centre atana hman mek a ni a, he pawl tan a contribution nei duh tan chuan DA Collection ah hian ziak in emaw thehluh thei reng a ni a, \halaite tupawh thianghlimna kawnga ke pen duh tan a tel theih reng a ni.
September thla hian mipuite hriat ah he Society hian rawngbawlna neih \an tumin hmalak chhoh mek zel a ni a, heng an hmalakna hrang hrang a hlawhtlinna an chan theihna turin kohhran mite \awngtaipui ah an sawm a ni.
He Movement hi kan ram tan a \angkai hle dawn a, nu leh pa te pawhin theihtawp chhuah a, he pawl a tel ngam turin fate fuih mawlh mawlh hi an tih tur ni ber in a lang \an ta a. Tunlai ah Kum 18 pawh tling lo mahni thianghlimna hralh in zuar ta mai mai Lawngtlai khawpuiah pawh hian an awm nual mai a, hetiang an zela kan ram \halaite nun a nih chhoh chuan kan ram in a hma bak chu a thim chhah hle dawn a ni. Chuvangin \halaite ke pen chhuaka thianghlimna kawng zawh turin hma thar i la ang u.