Hlimthla Release ni kha - Chhartea 99 Dawr

Ni 10 June 2010 kha ka la hre reng mai, ka pian ni a\anga vawiin ni thlenga chanchinbu/Magazine Release na a ka tel vawikhatna vang vang a ni. Ka hlim kher mai.
Awle, kha ni, ka tan a ni pawimawh, ka dam chhunga ka thinlung thawhthu a ziah lan tawh tur NI kha a nuam dangdai ve tak chu a ni. Editor Tv.Elvis-a ka lo hmelhriat ve kher kher hi World Cup a Argentina an tla ta ai khan ka pawi ti lo fe zawk. Tlangval zuan zang, lu zo tak mai, thildanga a specialna sawi tur em em hre lo mah ila, ‘Motor ke pali nei chi erawh a khalh hlawhchham \hak’, tih hi ka nupui hming ka hriatchian tlukin ka hre chiang in ka hria. A nimin sawmna zahawm tak avangin he HLIMTHLA Monthly Magazine Release ni hian SSA BRC Hall lam panin ka in khalh phei ve ta kha a nih kha..
|an hun chhun dar 12:30 ti mah se, Magazine Release tur vel buaipui a, a \awnna tur Ribbon vel ka buaipui tura dah anih avangi9n dar 12:00 rik \ep ah ka thleng phei a, tu vak mah an lo la awm lo a, ka la tlai lo tih ka hria a, ka tifuh fu mai. Programme ka hre lo a, engangin nge kan hman dawn? tlai chaw te kan ei nghal dawn nge? tih pawh engmah min hrilh lem lo a....a \ha vek e. Ka lo hope sang lutuk ang tih erawh ka hlau hle.
He Magazine Release tura an ruat/sawm kan BDO Pu T.Vanlal-malsawmsanga (a hming a sei eeee.....Pu Vala ti tawh ang) a ni tih ka hriatin ka phur kher mai, a ni hi hetiang lama Officer kan neih Specil a ni bawk a, a zei leh pek ngawt ang...!! Dar 12:20 a rik chuan he hun hman pui tura sawmte an lokal nak nak a, rei lote ah Hall kan khat chu a ni ta der mai. Dar 12:30 a ri \ep ta...Release tupa tur Pu Vala alo la thleng lo, kan nghak \hap mai..minute 5,10,15 ....amah lah chu phone theih \hak loh leh nghal....khua lah chuan lungawi lo ni awm takin a chhiat a rawn chhuah dawn ni awm takin a dur khup khup leh nghal a.’He function ah hian ka rawn tel ve dawn’ ti ni awm takin ruah a tla \an ta...Dar 1:00 a ri \ep.. Pu Vala a lo thleng ta...tih chu ‘ka ha se’...Ani Kawlchaw ah a lokal chu niin, kan be pawp thei ta hlauh mai...Hei ha hui ha...mangan thlak \hin..A ni hi a buai \hin em em a, an nu thu a hnial ngam lo hi chu ngaiah kan nei ve mai a. Hetiang hun pawimawha an lo tir kher kher hi chu an Pu te ka haw khawp mai. Pu te nei a ni miau a..Dar 1:00 a pel ta...Bawngkawn kan lo thleng 71 kan lo thleng....ruah thawm nen....
‘He Release Function hi keiman ka kai hruai ang’ ti a tlawmngai tura an ruat anih nghak zolo a, lo hauh lawktu Pu PC.Chuaudinga, Pa chal ngah ve tak mangang chuan a lo thleng ve mai ang tih beiseiin lokal khawm te, rei tak lo \hu tawhte hawihai lutuk tur vennan \anna min lo neihpui ta tawp mai anih kha. Ani nge nge, Pa remhria a nihna kan hmu leh ta..HUnserh a zo a, Nula zaithiam a hming ka hre ta lo (a hming i hriatreng kha Rebeki Ed) Hmel\ha deuh mai...nalh leh mawi takin a zai a...Pu |huampuia te tlar khan kut an beng ring hle in ka hria...ruah sur nen..Awle.. Magazine Release tupa tur pawh alo thleng a ni awm e.
Kawngka bula \hu ka ni a, hotupa a lo thleng...kan lo ding suau...kawngka a rawn luh a, a sawi hmasak ber chu, “E heeee..in va tam ve...!!” tih hi a ni..A ni lo thleng ta bawk a, Programme kan chhunzawm zel a,engemaw kan lo tih nual tawh avangin Release hun kan hmang zui nghal...hetiang em em hian kan BDO hian thusawi a lo thiam tih hi ka lo la hre lo reng reng, mi tlemte zinga release mai tura a in ngai kha SSA Hall khat tlatin kan lo awm si..sikul naupang nen..thu an sawi tak tak mai chu...a khabe a sahdah pawng pawh ka hmu miah lo, Magazine Release a zei si, mi dang pawn sawm zel chi a niin ka hria a, boruak a tinuam tlat. Anin a hun a hmang zo a, thusawi hrang hrang, sawm bik te leh a duh apiang te tan hun hawn a ni a, thusawi a \ha hlawm hle in ka hria.
Awle, thusawi tam tak zingah ka beng verh tak mai a awm....Nl.Singi, Fanai Store nei tunu in Tv.Elvis-a a ngaihsan thu leh Magazine duhsakna a hlan thu a sawi hi, Lawngtlai tlangval zinga a ngaihsan ber a nih thu a sawi khan ngaihtuahna thui tak min neih tir..Nula/tlangval an inngaihsan hle hi chuan ‘engemaw’ a awm a ni mai lo maw...!! Refreshment tui tak an rawn sem a,mahse engmah ka ei ve ta lo...Kan Em Cee Pu Pc-a hnenah SMS in thusawi ka va dil ve dek dek a,mahse, min sawm ta lo niin ka hria. Ani phone a lo switch off daih niin..ban a ka hawsan hnuin a lo hmu ve chauh a ni awm e. Nikhua lo lutuk....A ni kaihhruaina hnuaia function reng reng a ka kal leh tak a le leh....!!
He hun hlimawm tak hmang thei a ka awm kha ka lawm a, Lawngtlai a\anga Monthly Magazine tihchhuah awmchhun ni mipuite’n i hlut ang u. He Magazine hi duhsakna sangber ka hlan mawlh mawlh a ni.
E tak a.....ngawi lawks...Editor Tv.Elvis-a hian CHANCHINBU ZUAR ah min chhuah dawn chu anih tak hi maw...!!!!