BUAIPUI THAM ‘TIRANGA’ RAWLTHARIN THIHPUI THELH

BUAIPUI THAM ‘TIRANGA’ RAWLTHARIN THIHPUI THELH
Mizo Hmeichhe Insuihkhawm Pawl ten Tiranga do beihpui an thlak mek laiin South Hlimen-a rawlthar pakhat, High School kal lai chu tiranga ei nasat avangin a thi thelh a, a nu in a ka-ah ham vakin, hemi hnu hian a tha chhuak leh niin thu dawn a ni.
Hetianga tiranga (gutkha) addict hi tleirawl leh rawlthar zingah an tam hle a, nu leh pa tam tak chu an faten tiranga an addict avang hian an mangang hle tih thudawnna chuan a sawi.
Aizawl veng pakhata hmeichhe tleirawl chu tiranga a ei nasat avangin a hrawk bawrah hlet chhuahin, sum tamtak senga enkawl zui ngai khawpin a awm tih thudawnna chuan a sawi.
Chief Miniter nupui Lal Riliani, Indian Society on Tabacco and Health, Mizoram Chapter President chuan tunhnaia thuthar lakhawmtute a kawmnaah tleirawl pakhat chu eng vanga school kai lo nge tih a zawhin, he tleirawl hian a hrisel loh thu te, tiranga a ei nasat thu te a sawi, a ti a. "Ni khatah tiranga hi packet 30 te ka ei zo thin a ti," tiin a sawi bawk.
Aizawl veng thenkhatah chuan MHIP ten Tiranga do an puan hma daih, nikum atang tawh khan an lo khap tawh a. Vengchhunga dawr neitute chu tiranga zuar lo tura ngenna ziakin an lo pe tawh a ni.
Z.T Vawra Hmar, Data Entry Operator, Mizoram State Tobacco Control Society chuan, "Kum 10 kalta, kum 2000 bawr chho vel kha ni ta in ka hria, Mizoram-ah Tiranga (Gutkha) hi a rawn lar chho tan a, thangtharte zingah bu khuar chak hle in, tih hmuh pawh kan intih hmuh nasa hle," a ti.
ZT Vawra chuan, "Gutkha (Tiranga) kan tih hi vaihlo nen in ang renga ngaih a ni a, a nicotine content avang hian a addict theih," a ti a. A 'carcinogen content' avangin 'cancer' chi hrang hrang a thlen thei," a ti bawk.
"Mizoram-ah ngei pawh Tiranga ei nasat avanga ka chhung cancer case hi kan nei tawh," tiin, Gutkha hmuam/ei nasa te chuan mut hun mumal an neih loh thu leh an rilru sawr bing kawnga harsatna an tawh thin thu a sawi.
Tun hma deuh khan Lawngtlai khawpui ah pawh Tiranga leh a kaihhnawih thil tam tak te pawh zawrh leh hralh khap tlat niin dawr hrang hrang ah te an zawrh leh zawrh loh te dap kual tam tak an lo man tawh a. Nimahsela, vawiinni ah chuan dawr hrang hrangah hralh tla ber tleirawl/rawlthar rual ten an ei ber anih avangin hralh tla ber a ni chho ta zel a ni.
Kan sorkar lamin tan la a, dawr hrang hrang an dap kual lai kha chuan zuar ngam pawh an awm meuh lo a ni. Sorkar in a thupek a thlah dul leh tak si avangin vawiinni ah erawh chuan Lawngtlai khawpui dawr hrang hrangah hmuh tur a awm tan leh ta reng mai. Sorkar hian thupek a chhuah tawh sa chu bawhzui leh ta sela, ‘Tiranga’ tur hlauhawm lakah kan thalaite hi chhan chhuah an ni ngeiin a rinawm a ni. Sorkar in a tih tur a ti tawk lo deuh niin a lang.
HLIMTHLA chuan Lawngtlai khawpui chhunga dawr hrang hrang a fankualnaah dawr neitu te chuan tunlai tleirawl/rawlthar ten an lei duh ber chu ‘Tiranga’ anih thu hriat a ni a. Nikhatah pack 40-50 an hralh dan tlangpui anih thu an sawi lang bawk a. A bik takin zirlai High School leh Middle School zirlaite zingah ‘Tiranga’ lei tu an tam thu hmuh chhuah a ni a.
Tin, zirlaite hian ‘Tiranga’ sim chu harsa an tih thu hriat a ni a. An zirna kawngah pawh harsatna tam tak an tawh thu sawi lan niin, ‘Tiranga’ ei thin te chuan lei tur an hmuh loh pawhin a awmna hmun an hriat pawhin an pan hram hram thu te an sawi a. Damdawi ti thin te ang maiin a hun takah zel ei chakna an nei tih an sawi.
MHIP Sub-Hqrs Lawngtlai pawhin Tiranga do beihpui an thlakna kawngah mipuite tawiawmna an ngen a. Tin, nepnawi dawr neitute pawhin ‘Tiranga’ zuar lo turin an ngen a. Lo zuar lui leh tilui hriat chhuah an nih chuan dan ang takin an chungah action lak an tum bawk a ni.
Hetianga MHIP ten an hmalakna hi mipuiin kan thlawp tlat a tul a, a bik takin nu ten \an an lak leh zual a ngai dawn a ni. Dawr nghak tam takte hi nu an ni tlangpui a, heng mite hian Tiranga an zawrh loh chuan ei tur a awm lo mai a ni. Chuvang chuan nu ten \an an laka theihtawp an chhuah chuan Tiranga chu a rem duak in a rinawm. Kan ram \halaite min suttu hi lungrual takin kan do ngam tur a ni dawn lawm ni.
Sorkar pawhin ‘Tiranga’ leh a kaihhnawih eiphung chi hrang hrang zawrh a khap tlat a, nimahse, zuar erawh kan pung tual tual emaw tih mai turin a zuar ngai lo te pawhin \halaite ei chak zawng a ni tih hriain dawr hrang hrang ah zuar/hralh hmuh tur an awm nual a ni. Kristian ramah Kristianten sorkar thupek pawh zahzo lova
dan kan bawhchhe tlat thin te pawh hi kan inenfiah chu a ngai hle ang.
Sorkar pawhin a thupek bawhzuina kawngah hma ala chak lo hle a. Vawikhat lai chu sorkar in dawr hrang hrangah a han dap kual a, man chu nei nasa mahsela, a dap kar rei lote ah an man aia tam zawrh/hralh tur tam tak lak luh a ni leh ta a,tunah erawh chuan zalen taka zawrh/hralh a ni leh ta a. Kan sorkar pawh hi a thupek bawhzuina kawngah hma chak takin la \hin sela a duhawm hle ang.