ZIRLAITE NGAIHDAN
RUIHHLO DO CHUNGCHANGAH
Govt Lawngtlai College zirlaite hnenah kan ram pawl lian ber CYLA in kumpuan atana an neih ‘Ruihhlo Do’ chungchanga an hmalakna atanga chhan tur point siam hrang hrangte an chhan dan i han thlir ho dawn teh ang .
Kan rama Zirna In sangber College zirlaiten an chhan tur zawhna hetiang hian siam a ni a.
1 : Kumpuan in Ruihhlo dona kawnga hma an lak dan hi tha I ti em?
2 : Tha I tih chuan I tihna chhan point 3, thalo I tih chuan tha lo I tih chhan point 3 han sawi teh ?
3 : Kum puan hian engtiangin nge Ruihhlo do kawngah hma la se I duh dan ?
Heng a hnuaia tarlante hi a chhangtu leh an chhan dante chu a ni.
Rosy Lalbiakdiki (I yr B.A) leh Ruth (B.A. II Yr) te chuan kumpuan hmalakna chu \ha , hetiang hian \ha a tih chhan hrang hrang an ziak a. Ruihhlo do anih hian Chhungkaw tam takte an hlimna thlen phah a,tlangval chhawrtlak loh an tlem phahin chhawrtlak an pung tual tual a, tin hmeihchhia leh nu nau zawkte tan pawh \ul leh pawimawh avanga zana chhuah pawh a nuamin a ralmuan thlak a ni, a ti.
Hetiang zawng hian hma la se a duhthu ziakin Security hna uluk \akin thawk zawm zel se, Sport lamah Thalaite kaihhruaina neih ni se tin Ruihtheih thil zuar tute an eizawnna tur ngaihtuah sak se an duh thu a nsawi a ni.
Sumeon (I Year BA) chuan hetiang hian kan zawhna siamte a chhang a. Kumpuan ten Ruihhlo an do dan chu \ha a tih chiah lo thu point hrang hrang a ziak a. Kumpuan in hma an lakna ah hian tun ai hian s\rick deuh se a ti a, tin ruihhlo do zingah zurui an tam lutuk chu \ha a ti lo hle a, Kumpuan in dan siam ang bawhchhia chu dimna tel lo a hrem ni zel sela a duhthu a tarlang bawk a ni. Hetiang zawng hian hma la se a duhthu ziak lang ve lehin Veng tinah duty awm se, khawlai fang thin rawh se.In zirtirna tha tak awm sela tin hruaitu ten theihtawp a hma an lak theih nan Police nen thawk dun se \ha a ti hle a ni.
Lalhmaa (B.A I yr) chuan kumpuanin hma an lak dan chu \ha a ti tawk lo hle thung a. A chhan chu thleibik neiin man ngam leh ngam loh an neih thusawiin, a zuartu leh a titu te chu huatna nen an bei \hin a ni a ti bawk. Chuvang chuan hetiang zawng hian hma la ta ang sela \ha ti thusawiin, Ruihhlo zuar baihvai tak tak te eizawnna dang dap sak se, hmangaihna tak tak nen Pathian thu hrilh thin se,tin inrualkhai takin thlei bik nei lovin do ngam se a ti a ni.
C.Lalruatkimi (B.A. I yr) ve thung chuan \ha ti hle thung a. Ruihhlo do an nih hian kan khawtlang a thianghlim phah a ni a ti a, tin hmeihchhia leh nu nau zawkte pawh thlamuang takin kan awm thei a, kan him a ni, tin a ti \hin chu lo awm ve bawk mahsela, hetianga do anih a ruihhlo ti pawh an tlem phah ve zel pawh hi a \ha hle ani ti ve thung a ni. Engtin nge hma an lak an tih zawhna chu heti hian a chhang a. Ruihhlo ti tu leh a zuartute hi hnualsuat mai lovin hmangaihna nen dawhthei takin enkawl se, an eizawnna tur dap sak sela \ha a ti ve thung a. Tin, thlei bik neia rorel lovin hrem ngaite chu a na thei ang berin hrem \hin se \ha a tih thu sawiin, ruihhlo do na kawngah hian mitin in mawhphurhna kan nei vek a, chu kan mawhphurhna kan hlen \heuh chuan kan ram hian nasa takin hmasawnna a hmuh kan beisei a ni a ti.
C.Z Laldinkima (B.A II Yr) ve thung chuan Kumpuan in Ruihhlo an do dan chu \ha a ti lo hle a. A chhan ni a, a tarlante chu a do tu te zingah fihlim lo an awm a, chung mite tan chuan sum seng lova ruihtheihthil tihna hun kan siam sak a, kan dah zalen lutuk a, ngam zawng leh hlauh zawng kan nei tlat \hin te leh a do tu te hi kan \angrual tawk lo a ni a ti.
Hetiang zawng hian hmala ta se a duhthu sawiin danin an chungah awmzia nei se, thilsual ti tute chu dan hmangin hrem nise, in lungrualna \ha nei bawk se, tin a pawimawh ber chu a do tute hi ruihhlo lakah fihlim vek se a tha a rinthu a sawi a ni.
B.Lalrosangpuii (B.A I yr) ve thung hi chuan \ha ti lo ve thung a, kumpuan hmalakna a chak pauh leh a ruk a zuar an pung a, chhungkaw tlakchhiatna a ni a, tinthleibik nei lova hremna hi pek vek a nise a \hat zawk a rinthu sawiin, hmalakna \ha zawk leh hlawhtling zawk a awm theihna tur chuan .kut inthlak hian awmzia a nei lo tih hria ila, hmangaiha nen enkawl ni hlawm se a \hat ka ring a, tin a zuartu te hi eizawnna ngaihtuah sak sela chu tluk a hlu leh \ha chu a awm thei hian ka ring lo a ni.
(Kan zirlaite an hmuh dan leh ngaihdan hi a dikna tam tak a awm a, siam\hat ngai tam tak a awm a nih chuan kan HLIMTHLA ah i hmang ang u. Ed)